ឈរនៅចិញ្ចើមថ្នល់ត្រូវរថយន្តសាំយុងបុកស្លាប់

ចែករំលែក៖

ខេត្តព្រះសីហនុ ៖ ស្ត្រីម្នាក់ត្រូវរថយន្តសាំយ៉ុងបុកស្លាប់ ក្នុងពេលដែលគាត់ឈរនៅចិញ្ចើមថ្នល់ កាលពីវេលាម៉ោង៤និង២០នាទី រសៀលថ្ងៃទី១៣ ខែតុលា ឆ្នាំ២០១៧ លើផ្លូវជាតិលេខ៤ ចន្លោះគីឡូម៉ែត្រ១៩៣-១៩៤ ស្ថិតនៅក្នុងភូមិអូរតាប៉ាង ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ។

ប្រភពព័ត៌មាននៅកន្លែងកើតហេតុបានឲ្យដឹងថាគ្រោះថ្នាក់ចរាចរណ៍នេះកើតឡើងដោយរថយន្តមួយគ្រឿងម៉ាក SSANGYONG ពណ៌ស ពាក់ស្លាកលេខ ភ្នំពេញ2I-5441 ទិសដៅពីភ្នំពេញមកខេត្តព្រះសីហនុ បានបុកស្ត្រីម្នាក់ ដែលកំពុងឈរនៅចិញ្ចើមថ្នល់។ប្រភពដដែលបានបន្តថា បន្ទាប់ពីបង្កគ្រោះថ្នាក់ រថយន្តនោះ បានបេីករត់ទៅមុខ ដល់ភូមិអូរតាសេក ហួសសាលាឆទានបន្តិច ចូលដល់ផ្លូវលំ ម្ចាស់បានទុករថយន្តចោលហើយគេចខ្លួនបាត់។ គ្រោះថ្នាក់នេះបណ្ដាលឲ្យស្លាប់ស្ត្រីម្នាក់ឈ្មោះវេង សឿ អាយុ៧០ឆ្នាំ មានទីលំនៅ នៅកន្លែងកើតហេតុ។

បច្ចុប្បន្នវត្ថុតាងរថយន្តបង្កត្រូវបានសមត្ថកិច្ច យកមករក្សាទុកនៅអធិការដ្ឋាននគរបាលស្រុកព្រៃនប់ ដេីម្បីស្រាវជ្រាវ និងចាត់ការបន្ត៕ ឆ្លាម សមុទ្រ