ភ្នំពេញ ៖ នាព្រឹកថ្ងៃទី២៧ ខែតុលា ឆ្នាំ២០១៧ វេលាម៉ោង០៨:៣០នាទី នៅសាលប្រជុំសាលាខណ្ឌដូនពេញ បានរៀបចំនូវកិច្ចប្រជុំសាមញ្ញលើកទី៤១ របស់ក្រុមប្រឹក្សាខណ្ឌដូនពេញ អាណត្តិទី២ ក្រោមអធិបតីភាព លោក ហែម អាន ប្រធានក្រុមប្រឹក្សាខណ្ឌ លោក សុខ ពេញវុធ អភិបាល នៃគណៈអភិបាលខណ្ឌដូនពេញ និងមានការចូលរួមពីលោក លោកស្រីអភិបាលរង នាយក នាយករង សមាជិកក្រុមប្រឹក្សាខណ្ឌ អធិការរង មេបញ្ជាការរងខណ្ឌ ចៅសង្កាត់ ប្រធានផ្សារទាំង០៣ ប្រធានការិយាល័យជំនាញ និងមន្ត្រីពាក់ព័ន្ធក្រោមឱវាទទាំងអស់ ។
ក្នុងកិច្ចប្រជុំនោះដែរ ដើម្បីឆ្លងលើរបៀបវារៈមានដូចជា៖
១. ពិនិត្យ និងអនុម័តសេចក្តីព្រាងកំណត់ហេតុកិច្ចប្រជុំសាមញ្ញលើកទី៤០ របស់ក្រុមប្រឹក្សាខណ្ឌដូនពេញ អាណត្តិទី២ ។
២. ពិនិត្យ និងអនុម័តសេចក្តីព្រាងកំណត់ហេតុកិច្ចប្រជុំវិសាមញ្ញលើកទី១១ របស់ក្រុមប្រឹក្សាខណ្ឌដូនពេញ អាណត្តិទី២ ។
៣. ពិនិត្យ និងអនុម័តសេចក្តីព្រាងការកែសម្រួលសេចក្តីសម្រេច ស្តីពីការបង្កើតគណៈកម្មាធិការលទ្ធកម្ម របស់ក្រុមប្រឹក្សាខណ្ឌដូនពេញ អាណត្តិទី២ ។
៤. ពិនិត្យ និងអនុម័តសេចក្តីព្រាងរបាយការណ៍ស្តីពីការអនុវត្តកាងារប្រចាំខែតុលា ឆ្នាំ២០១៧ របស់រដ្ឋបាលខណ្ឌដូនពេញ ។
៥. ពិនិត្យ និងអនុម័តសេចក្តីព្រាងតារាងបែងចែកប្រាក់រង្វាន់លើកទឹកចិត្តប្រចាំខែតុលា ឆ្នាំ២០១៧ ដែលបានមកពីការផ្តល់សេវារដ្ឋបាលសម្រាប់ឧបត្ថម្ភជូនមន្ត្រី បុគ្គលិក នៃរដ្ឋបាលខណ្ឌដូនពេញ ។
៦. ការងារផ្សេងៗ ។
- វឌ្ឍនភាពការងារចលនាប្រឡងប្រណាំងទីក្រុងស្អាតលើកទី២ ផងដែរ ៕ ស តារា
