ខេត្តពោធិ៍សាត់៖ កម្លាំងចំរុះប្រមាណជាង ៤០នាក់ ដាក់គោលដៅកណ្ដាលក្រុងពោធិ៍សាត់ ដើម្បីធ្វើការត្រួតពិនិត្យបទល្មើសនានា ពិសេសទោចក្រយានយន្ត និងអាវុធជាតផ្ទុះ។
ប្រតិបត្តិការខាងលើចាប់ផ្ដើមធ្វើឡើងនៅវេលាម៉ោង៦ និង០០នាទីរហូតដល់យប់ជ្រៅបន្តិច ថ្ងៃទី២៩ ខែតុលា ឆ្នាំ២០១៧ នៅលើកំណាត់ផ្លូវកៅស៊ូលេខ១០១ ស្ថិតក្នុងភូមិពាលញែក២ សង្កាត់ផ្ទះព្រៃ ក្រុង-ខេត្តពោធិ៍សាត់។
លោក វរសេនីយ៍ទោ យឹម ស៊ាងហៃ អធិការនគរបាលនៃអធិការដ្ឋាននគរបាលក្រុងពោធិ៍សាត់បានឲ្យដឹងថា ការដែលដាក់ពង្រាយកម្លាំងចំរុះនៅគោលដៅខាងលើ ដើម្បីធ្វើការពិនិត្យបទល្មើសផ្សងៗភូមិឃុំមានសុវត្ថិភាព ប៉ុន្តែសំខាន់នោះគឺទោចក្រយានយន្ត និងអាវុធជាតផ្ទុះជាដើម។
លោក វរសេនីយ៍ទោ យឹម ស៊ាងហៃ អធិការនគរបាលនៃអធិការដ្ឋាននគរបាលក្រុងពោធិ៍សាត់បន្តថា ជាលទ្ធផលរួម៖ កម្លាំងបានធ្វើការអប់រំជាក់ស្ដែងនៅនឹងកន្លែងដល់អ្នកបរ និងអ្នករួមដំណើរបានចំនួនច្រើន សរុបម៉ូតូចំនួន ៥២គ្រឿង ក្នុងនោះឃាត់ម៉ូតូបំពាក់ឧបករណ៍បច្ចេកទេសចំនួន ១០គ្រឿងទៀត រួមទាំងមនុស្សម្នាក់ផងដែរ ដោយសង្ស័យប្រើប្រាសដោយខុសច្បាប់នូវសារធាតុញៀន ដើម្បីនាំយកមកបន្តនីតិវិធីនៅអធិការដ្ឋាននគរបាលក្រុងពោធិ៍សាត់ នាព្រឹកថ្ងៃទី៣០ ខែតុលា ឆ្នាំ២០១៧។
លោក វរសេនីយ៍ទោ អធិការនគរបាលក្រុងពោធិ៍សាត់បន្តទៀតថាជនសង្ស័យត្រូវបានឃាត់ខ្លួនឈ្មោះ ស្មាន ម៉ូស្តាហ្វា ភេទប្រុស អាយុ ២៧ឆ្នាំ ជនជាតិខ្មែរឥស្លាម បច្ចុប្បន្ន មានទីលំភូមិបន្ទាយដីក្រោម សង្កាត់បន្ទាយដី ក្រុង-ខេត្តពោធិ៍សាត់ ហើយតំរ៉ូវឲ្យអាណាព្យាបាលមកទទួលយកទៅផ្ទះវិញ ដោយធ្វើកិច្ចសន្យាលាយលាក់ជាអក្សត្រឹមត្រូវ ដោយឡែកម៉ូតូទាំងចំនួន ១០គ្រឿងដែលបានបំពាក់នូវឧករណ៍ដូចជា,បំពង់សុីមាំ.ភ្លើងផ្សេងៗ។ល។ ក៍បានធ្វើការអប់រំហើយតំរ៉ូវឲ្យដោះប្តូរឧបករណ៍ទាំងជាក់ស្ដែងនៅកន្លែងសមត្តកិច្ចភ្លាមៗផងដែរ៕ បឹុម ពិន
