ភ្នំពេញ៖ រោងចក្រកាត់ដេសំលៀកបំពាក់ដែលមានយីុហោ មិត្តភាព មានទីតាំងស្ថិតនៅតាមបណ្តោយផ្លូវវត្តសំរោងអណ្តែត ក្នុងភូមិបាយាប សង្កាត់ភ្នំពេញថ្មី ខណ្ឌសែនសុខ នៅព្រឹកថ្ងៃទី២១ ខែតុលា ឆ្នាំ២០១៥នេះ ត្រូវបានកម្មករកម្មការិនីប្រមាណជាង១០០នាក់បានផ្ទុះការតវ៉ាដុតកង់ឡានដោយសុំអោយថៅកែរោងចក្រគោរពច្បាប់ការងាររបស់ព្រះរាជាណាចក្រកម្ពុជា ។
តាមការអោយដឹងពីកម្មករម្នាក់ដែលមានឈ្មោះជុំ រដ្ឋា ភេទប្រុស អាយុ២៤ឆ្នាំបានអោយដឹងថា ការដែលកម្មករកម្មការិនីធ្វើការតវ៉ាដើម្បីអោយថៅកែរកដំណោះស្រាយនោះមានចំនួន៣ថ្ងែមកហើយគឺចាប់ពីថ្ងៃទី១៩មកដល់ថ្ងៃទី២១នេះ ដោយការទាមទានោះមានចំនួន៦ចំណុចគឺ
- ស្នើសុំអោយក្រុមហ៊ុនទទួលយកស៊ុបវៃសើ(មេការ)ឈ្មោះជិន សាវីនអោយចូលធ្វើការវិញ
- ពេលដែលក្រុមហ៊ុនបញ្ឍប់កម្មករណាម្នាក់ដែលគ្មានកំហុសនោះខាងក្រុមហ៊ុនត្រូវគិតអត្ថប្រយោជន៍តាមផ្លូវច្បាប់ហើយមិនត្រូវកាត់លុយកម្មករទេ
- ស្នើសុំអោយក្រុមហ៊ុនរៀបចំបន្ទប់ទឹកអោយមានអនាម័យ
- ក្រុមហ៊ុនត្រូវរៀបចំពេទ្យប្រចាំការនៅក្នុងរោងចក្រម្នាក់
- នៅពេលដែលកម្មករសុំច្បាប់ឈឺឬមានធុរៈខាងក្រុមហ៊ុនមិនត្រូវកាត់លុយព្រឹមតាមសមាមាត
- នៅពេលដែលកម្មការិនីដែលមានផ្ទៃពោះដែលត្រូវទៅពិនិត្យនោះគឺខាងក្រុមហ៊ុនត្រូវអោយច្បាប់ឈប់សម្រាក់មួយថ្ងៃ ។
ពាក់ពន្ធ័និងបញ្ហានេះលោកអ៊ុក សុភា អនុប្រធានការិយាល័យអន្ត្រវិស័យខណ្ឌសែនសុខបានអោយដឹងថា ខាងអាជ្ញាធរខណ្ឌបានចុះទៅសម្របសម្រួលនិងណែនាំបងប្អូនកម្មករកម្មការិនីទាំងអស់កុំអោយប្រើអំពើហិង្សារ ហើយអាជ្ញាធរខណ្ឌនិងក្រសួងបានដោះស្រាយជាមួយនិងថៅកែរោងចក្របានចំនួន៤ចំណុចហើយនៅសល់២ចំណុចទៀតកំពុងបញ្ជួនទៅនាយកដ្ឋានដោះស្រាយវិវាទការងារដោះស្រាយបន្តនៅក្រសួងការងារ ៕
...
ដោយ៖ តុង សីហា
