ភ្នំពេញ៖ កម្លាំងនាយកដ្ឋានស៊ើបអង្កេត អនុវត្តន៍និតិវិធីនៃអគ្គនាយកដ្ឋានអន្តោប្រវេសន៍ចុះចាប់ប្រមូលជនជាតិវៀតណាមចំនួន២១នាក់សុទ្ធសឹងជាស្រ្តីរកសីុផ្លូវភេទដែលជ្រកកោនក្រោមស្លាកយីលក់កាហ្វេនិងកោសជប់នៅតាមបណ្តោយផ្លូវលេខ៨០និងផ្លូវលេខ៩០ ក្នុងមូលដ្ឋាន ខណ្ឌដូនពេញ ។

ករណីចុះបង្រ្កាបខាងលេីនេះ បានធ្វេីឡេីងកាលពីវេលាម៉ោង២រសៀលថ្ងៃទី២១ ខែតុលា ឆ្នាំ២០១៥ដែលស្ថិតនៅតាមបណ្តោយផ្លូវលេខ៨០និងផ្លូវលេខ៩០ក្នុងសង្កាត់ស្រះចកខណ្ឌដូនពេញ ។

ប្រតិបត្តិការណ៍នេះដឹកនាំដោយលោក ឧត្តមសេនីយ៍ទោ អ៊ុក ហៃសីលា ប្រធាននាយកដ្ឋានស៊ើបអង្កេត អនុវត្តន៍និតិវិធីនៃអគ្គនាយកដ្ឋានអន្តោប្រវេសន៍បានឲ្យដឹងថា ក្រោយធ្វើការស្រាវជ្រាវ  និងទទួលបានពត៍មាននៅបណ្តោយផ្លូវលេខ៨០និងបណ្តោយផ្លូវលេខ៩០ក្នុងសង្កាត់ស្រះចកខណ្ឌដូនពេញនេះសម្បូរទៅដោយជនជាតិវៀតណាមដែលប្រកបរបររកសីុកោសជប់ក្នុងហាងកាហ្វេនោះដោយមានការសម្របសម្រួលពីលោកមាស ច័ន្ទពិសិដ្ឋ ព្រះរាជអាជ្ញារង ជាតំណាងអយ្យការអមសាលាដំបូងរាជធានី ភ្នំពេញ រួមសហការជាមួយ ស្នងការដ្ឋាននគរបាលរាជធានី ភ្នំពេញ នឹងចុះត្រួពិនិត្យទីតាំជនបរទេសបើករបររកស៊ី កោសជប់ ម៉ាស្សា លក់កាហ្វេ ខាត់ ប៉ូលា ម៉ូតូ រថយន្ត និងជួសជុល អេឡិចត្រូនិច ដែលពួកគេកំពុងលួចស្នាក់នៅ និងរកស៊ីដោយខុសច្បាប់ គ្មានលិខិតឆ្លងដែន ។

លោកបន្តថា ក្រោយពីការឃើញ ជនជាតិវៀតណាម ចំនួន ២១នាក់ ក្នុងនោះប្រុស២ ហេីយពួកគេ គ្មានឯកសារគ្រាប់គ្រាន់នោះសមត្ថកិច្ចនិងបញ្ជូនទៅ  អគ្គនាយកដ្ឋានអន្តោប្រវេសន៍ដើម្បីធ្វើរបាយការណ៏  បញ្ជួនទៅឧបនាយករដ្ឋមន្ត្រី ក្រសួងមហាផ្ទៃ   ដើម្បីសុំគោលការណ៏ ធ្វើការបណ្តេញចេញពីប្រទេសកម្ពុជាផងដែរ ។

លោកក៏បានធ្វើការអំពាវនាវនិងសុំអោយជនបទេសដែលស្នាក់នៅនិងធ្វើការសុំច្បាប់ និងគោរពច្បាប់ ប្រទេសកម្ពុជា  បើពុំនោះទេ សមត្ថកិច្ច និងចាត់វិធានការដោយពុំលើកលែងឡើយ ។

មួយគ្នានោះលោកឧត្ដមសេនីយ៍ទោបានធ្វើការអំពាវនាវ ដល់ម្ចាស់ រោងចក្រ  សហគ្រាស់ និងសិប្បកម្មនានា អស់អោយបញ្ឍប់ការជួរកម្មករបរទេសដែលចូលមកដោយ ខុសច្បាប់មកធ្វើការបន្តទៀតនៅក្នុងការរដ្ឋាននិងសិប្បកម្ម របស់ខ្លួន   បើពុំនោះទេ សមត្ថកិច្ចនិងចាត់វិធានការ ទៅតាមផ្លូវច្បាប់ចំពោះអ្នករឹងទទឹង ។

យោតាមមាត្រា ទី២៩ ស្តីពីអន្តោរប្រវេស បានចែងថា ជនបរទេសណា ដែលគ្មានការអនុញាតិ ហើយចូល មកក្នុងព្រះរាជាណាចក្រកម្ពុជា ដោយលបលួច លាក់បន្លំ ឫដោយល្បិចផ្សេង ទៀតដែល ផ្ទុយពីបទបញ្ញាតិ នៃច្បាប់នេះ ត្រូវផ្តន្ទាទោស ដាក់គុកពី៣ ខែដល់ ៦ខែ មុននិងបណ្តេញចេញ ត្រូវផ្តន្ទាទោស ដូចគ្នានឹងជនល្មើស ចំពោះជនណាដែលផ្តល់ជំនួយ ឫជួយលាក់បាំងក្នុងការបញ្ចូល ជនបរទេស ដែលគ្មានការអនុញាតិ មកក្នុងព្រះរាជាណាចក្រកម្ពុជា  មន្ត្រីឯភ្ញាក់ងាររាជការ មានសមត្ថកិច្ច រូបណា ដែលជាអ្នកសមគំនិតឫ ជួយសម្រួលក្នុងការប្រព្រឹត្ត បទល្មើសខាងលើ ត្រូវផ្តន្ទាទោស ដាក់គុកពី ១ខែដល់១ឆ្នាំ  ហើយមន្ត្រីរាជការមានសមត្ថកិច្ចរូបណា ដែលធ្វើមានការ ធ្វេស ប្រហេស ខ្វះការប្រុងប្រយ័ត្ន ឫ មិន គោរពបទបញ្ជា ត្រូវទទួលការផ្តន្ទាទោសផ្នែករដ្ឋបាល មធ្យោបាយ សម្ភារះ ប្រើប្រាស់ សម្រាប់ប្រព្រឹត្តបទល្មើសត្រូវរឹមអូសទុកជាសម្បត្តិរដ្ឋ ៕

ដោយ៖ ស ដារ៉ា