ខេត្តព្រៃវែង ៖ បុរសពីរនាក់បានរងរបួសធ្ងន់ស្រាលពីការបាក់រលំដើមអាកាស្យា ក្នុងពេលជិះម៉ូតូធ្វើ ដំណើរតាមផ្លូវ កាលពីម៉ោង២និង៥១នាទី ឈានចូលថ្ងៃទី២០ ខែវិច្ឆិកា ឆ្នាំ២០១៧ លើផ្លូវជាតិលេខ៨ចន្លោះគីឡូម៉ែត្រលេខ១១៨-១១៩ ស្ថិតនៅភូមិសាមគ្គី ឃុំក្រញូង ស្រុកកំចាយមារ ខេត្តព្រៃវែង ។
នគរបាលចរាចរស្រុកកំចាយមារបានឲ្យដឹងថា នៅយប់កើតហេតុ អ្នកទាំងពីរនាក់ធ្វើដំណើរលើផ្លូវក្នុងភូមិសាស្ត្រខាងលើ ក្នុងទិសដៅពីកើតទៅលិច ។ លុះមកដល់ចំណុចកើតហេតុ ចៃដន្យស្រាប់តែដើម អាកាស្យាបាក់ដួលសង្កត់លើម៉ូតូ បណ្តាលឲ្យឈ្មោះ ឈាង វ៉េង ភេទប្រុស អាយុ២២ឆ្នាំ រស់នៅភូមិស្វាយលើ ឃុំស្វាយខ្សាច់ ស្រុកស្រីសន្ធរ ខេត្តកំពង់ចាម រងរបួសធ្ងន់ (ជាអ្នកបើកម៉ូតូ) ហើយត្រូវបានបញ្ជូនទៅមន្ទីរពេទ្យផងដែរ និងអ្នករួមដំណើជាមួយឈ្មោះ សែម ព្រលឹង ភេទប្រុស អាយុ៣៨ឆ្នាំ រស់នៅភូមិតាសៅ ឃុំគ្រញូង ស្រុកកំចាយមារ បានរងរបួសស្រាល ។
អ្នកទាំងពីរនាក់ធ្វើដំណើរដោយម៉ូតូម៉ាកស្មាស់រ៉េវ៉ូ ពណ៌ខ្មៅ ពាក់ស្លាកលេខភ្នំពេញ1U6613 ៕ ជាយក្រុង
