ខេត្តត្បូងឃ្មុំ ៖ ជនសង្ស័យ២នាក់ ដែលជាមុខសញ្ញាចរាចរថ្នាំញៀន ត្រូវបាននគរបាលព្រហ្មទណ្ឌស្រុកតំបែរធ្វើការចាប់ខ្លួន ខណៈពួកឡើងមកទិញដូរថ្នាំញៀន កាលពីម៉ោង១១យប់
ថ្ងៃទី២៤ ខែវិច្ឆិកា ឆ្នាំ២០១៧ ។
លោកវរសេនីយ៏ត្រី ស៊ាន ម៉េងស៊ា អធិការរងទទួលផែនព្រហ្មទណ្ឌបានឱ្យដឹងថា ការឃាត់ខ្លួនជនសង្ស័យទាំង២នាក់ខាងលើ បន្ទាប់ពីកំលាំងសមត្ថិកច្ចបានទទួលព៌ត៏មានពីកំលាំងមូលដ្ឋានសម្ងាត់ថា មានជនសង្ស័យ២នាក់ ឡើងទៅទិញថ្នាំញៀនពីស្រុកឆ្លូង ខេត្តក្រចេះ យកមកលក់នៅស្រុកតំបែរ ។
លោកបានឱ្យដឹងទៀតថា ពេលនោះប្រើប្រាស់កំលាំង៥នាក់ ដឹកនាំដោយលោកផ្ទាល់ បានរៀបចំកំលាំងធ្វើរដ្ឋបាលចំហរឆែកឆេរត្រួតពិនិត្យអាវុធជាតិផ្ទុះ នៅចំណុចផ្លូវលំក្បាលស្ពានបណ្តឹសឫស្សី ឆ្លងព្រែក ស្ថិតក្នុងភូមិកំពង់រាំង ឃុំសេដា ស្រុកតំបែរ ខេត្តត្បូងឃ្មុំ រហូតដល់វេលាម៉ោង១១ និង៣០នាទីនាថ្ងៃ ដដែល សមត្ថកិច្ចបានប្រទះ ឃើញមុខសញ្ញាសង្ស័យចំនួន០២នាក់ រួចឃាត់ឆែកឆេរលើខ្លួនប្រាណក៏រកថ្នាំញៀន០១កញ្ចប់តូច។
ជនសង្ស័យទាំង០២នាក់ឈ្មោះ ១-ឈ្មោះ សារី យ៉េស ភេទប្រុស អាយុ២២ឆ្នាំ ជនជាតិចាម រស់នៅភូមិថ្នល់កែង ឃុំសឹដា ស្រុកតំបែរ ខេត្តត្បូងឃ្មុំ ២-ឈ្មោះ លី វ៉ាហេត ភេទប្រុស អាយុ១៧ឆ្នាំ ជនជាតិចាម រស់នៅភូមិព្រែកជរ ឃុំសេដា ស្រុកតំបែរ ខេត្តត្បូងឃ្មុំ ។
បច្ចុប្បន្នជនសង្ស័យទាំង២នាក់ខាងលើ បាននឹងកំពុងកសាងសំណុំរឿងតាមនិតិវិធី ៕វណ្ណៈ
