នៅក្នុងប្រទេសក៏ដូចគ្នាដែរការផឹកស្រាស្រវឹងមិនអនុញ្ញាត្តិឲ្យបើកបរឡើងគឺអាចបង្ករគ្រោះថ្នាក់មិនត្រឹមតែខ្លួនឯងនោះឡើយគឺអាចបង្កគ្រោះថ្នាក់ដល់អ្នកដំណើរដទៃទៀត។ ទាំងនោះហើយនៅក្នុងប្រទេសជាច្រើននៅលើ ពិភពលោកបានចេញច្បាប់ហាមប្រាមអ្នក បញ្ជាយានយន្តមិនត្រូវផឹកស្រាលើសគម្រិតដែលច្បាប់បានកំណត់ ។
រឿងរ៉ាវពាក់ព័ន្ធនិងការផឹកស្រាបើកបរត្រូវប៉ូលិសចរាចរចាប់ហើយ ម្តាយលុតជង្គង់សុំអង្វរលោកប៉ូលិសឲ្យលើកលែងទោសឲ្យកូនប្រុសខ្លួនត្រូវបានបង្ហោះពេញបណ្តាញសង្គមទទួលបានការទាក់ទាញយ៉ាងខ្លាំងនៅក្នុងប្រទេសចិន ។
សារព័ត៌មានចិនបានផ្សាយថា នៅលើដងផ្លូវមួយក្នុងខេតហូបេយ ប្រទេសចិន មានទិដ្ឋភាពដ៏ទាកទាញមួយ គឺប៉ូលិស២នាក់ និងពលរដ្ឋពីរនាក់លុតជង្គង់ទល់មុខគ្នា ធ្វើឲ្យមនុស្សដែលធ្វើដំណើរឆ្លងកាត់ត្រូវតែឈប់មើលចង់ដឹងថាមានរឿងអ្វីកើតឡើង។ អ្នកមើលបានថតរូបភាពបង្ហោះពេញបណ្តាញសង្គមនិងមានចូលទស្សនាជាច្រើន ។
រឿងរ៉ាវកើតឡើងគឺបុរសស្រវឹងស្រាហើយបើកបរត្រូវប៉ូលិសចរាចរឃាត់ខ្លួនផាក់ពិន័យ ពេលនោះម្តាយរបស់បរុសខាងលើទៅសុំអង្វរប៉ូលិសលើកលែងទោសឲ្យកូន។ ប៉ុន្តែប៉ូលិសក៏បានលុតជង្គង់ដើម្បីបកស្រាយប្រាប់អ្នកម្តាយចាស់ថា ផឹកស្រាស្រវឹងបើកបរវាមានគ្រោះថ្នាក់ធំបំផុត ។
នៅពេលដែលប៉ូលិសត្រួតពិនិត្យឃើញថាជាតិអាល់កុលខ្ពស់ជាងកម្រិតច្បាប់អនុញ្ញាត្តិ។ ហេតុតែខ្លាចកូនត្រូវផាកពិន័យម្តាយសុខចិត្តលុតជង្គង់សុំអង្វរ តែប៉ូលិសបញ្ជាក់ថា ធ្វើទៅតាមតួនាទីនិងច្បាប់តែប៉ុណ្ណោះ ហើយព្យាយាមពន្យលដល់លោកយាយឲ្យបានដឹងពីគ្រោះថ្នាក់ដោយសារតែផឹងស្រាបើកបរ។ ពលរដ្ឋគ្រប់រូបត្រូវតែគោរពច្បាប់ទាំងអស់គ្នា មិនអាចប្រហែសបានឡើយ គឺអាចបង្កឲ្យមានគ្រោះថ្នាក់ទ្រងទ្រាយធំស្មានមិនដល់ ៕
ប្រែសម្រួល៖ ម៉ែវ សាធី
