ខេត្តកំពង់ស្ពឺ ៖ ប្តីប្រពន្ឋ២នាក់ដែលសមត្ថកិចបានធ្វើការតាមដានជាយូរមកហើយនោះពេលនេះត្រូវបានសមត្ថកិច្ចឃាត់ខ្លួនបានហើើយព្រមទាំងដកហូតបានឧបករណ៍សំំរាប់វេចខ្ចប់ព្រមទាាំងថ្នាំញៀនមួយចំនួនធំទៀតផង។

ជនសង្ស័យទាំង២ត្រូវបានសមត្ថកិច្ចបាននាំជនសង្ស័យមកកាន់អធិការដ្ឋាននគរបាលស្រុកដើម្បីសាកសួរនិងកសាងសំណុំរឿងដើម្បីចាត់ការបន្ត។

ករណីបង្ក្រាបគ្រឿងញៀននេះធ្វើឡើងកាលពីព្រលប់ថ្ងៃទី២៥ធ្នូ២០១៧ភូមិព្រៃស្បូវ ឃុំ ជង្រុក ស្រុកគងពិសី ខេត្តកំំពង់ស្ពឺ។

ជនសង្ស័យមានឈ្មោះខុន ភក្តី ភេទ ប្រុស អាយុ24ឆ្នាំ(ប្តី)រស់នៅភូមិព្រៃ ស្បូវ ឃុំ ជង្រុក ស្រុក គងពិសីខេត្តកំពង់ស្ពឺនិងឈ្មោះ ណុល ស្រីណែត ភេទស្រី អាយុ30ឆ្នាំរស(ប្រពន្ធ)នៅភូមិជាមួយគ្នា។

លោកវរសេនីយ៍ឯកឃឹមសុផាន់រ៉ាអធិការបានប្រាប់ថា ជនសង្ស័យគឺជាមុខសញ្ញាជួញដូរថ្នាំញៀនដ៏សកម្មដែលសមត្ថកិច្ចរបស់លោកធ្វើការតាមដានជាយូរមកហើយ។មុខសញ្ញាសង្ស័យទាំង២ត្រូវបានសមត្ថកិច្្ចធ្វើការឃាត់ខ្លួនពេលកំពុងធ្វើសកម្មភាពជួញដូរថ្នាំញៀននៅនឹងផ្ទះរបស់ពួកគេតែម្តង។

ក្រោយឃាត់ខ្លួនសមត្ថកិច្ចដកហូតបានម្ស៉ៅក្រាមពណ៌សសរុប​២៦កញ្ចប់​មធ្យម២កញ្ចប់តូច២៤កញ្ចប់ ព្រមទាំង ឧបករណ៍វេចខ្ចប់និង ប្រដាប់ប្រេីប្រាស់ថ្នាំញៀនមួយចំនួននិងទូរស័ព្ទដៃ1គ្រឿង។បន្ទាប់ពីឆែកឆេរព្រមទាំងដកហូតវត្ថុតាងរួចមកសមត្ថកិចបានបញ្ជូនជនសង្ស័យមកកាន់អធិការដ្ឋាននគរបាលស្រុកដើម្បីកសាងសំណុំរឿងតាមនីតិវិធី។

នៅចំពោះមុខសមត្ថកិច្ចជនសង្ស័យទាំង២បានឆ្លើយសារភាពថាពួកគេពិតជាបានធ្វើសកម្មភាពជួញដូរថ្នាំញៀនប្រាកដមែន។កន្លងមកមិនដែលមានសមត្ថកិច្ចណាមួយចាប់អារម្មណ៍ពួកគេថាជាអ្នកលក់ថ្នាំញៀននោះទេទើបតែថ្មីៗនេះមានអ្នកចេញចូលមកទិញថ្នាំច្រើនទើបសមត្ថកិចសង្ស័យក៏ធ្វើការតាមដានចុះមកចាប់តែម្តង។

មន្ត្រីនគរបាលមួយរូបបានប្រាប់ផងដែរថាជនសង្ស័យទាំង២មានការលាក់បាំងច្រើនអំពីបក្ឋពួកដែលជាមេក្លោងរបស់គេក្នុងការទាក់ទងគ្នាយកថ្នាំញៀនមកលក់នៅភូមិសាស្ត្រខាងលើ បើទោះជាជនសង្ស័យលាក់លៀមបក្ខពួករបស់គេយ៉ាងណាក្តីក៏សមត្ថកិចនៅតែបន្តការស្រាវជ្រាវដើម្បីឈានទៅចាប់មេក្លោងនៅពីក្រោយបន្តទៀត។

នៅព្រឹកថ្ងៃទី២៦ធ្នូ២០១៧នេះដែរក្រោយស្តាប់ចម្លើយសារភាពរបស់ជនសង្ស័យទាំង២រួចមកសមត្ថកិច្ចបានកសាងសំណុំរឿងបញ្ជូនជនសង្ស័យទៅកាន់ការិយាល័យប្រឆាំងគ្រឿងញៀនចាត់ការបន្តតាមនីតិវិធី៕ សេនាស័ក្តិ