ខេត្តកំពង់ចាម ៖ បុរសម្នាក់ត្រូវបានម្ចាស់ចាប់បានជាក់ស្តែងខណ:កំពុងលួចស្លាកាត់ ប្រគល់អោយសមត្ថកិច្ចចាត់ការតាមច្បាប់ កាលពីវេលាម៉ោង៩និង៣០នាទី ថ្ងៃអង្គារ៍ ៩ កើត ខែបុស្ស នព្វស័ក ព.ស២៥៦១ ត្រូវនឹងថ្ងៃទី២៦ ខែធ្នូ ឆ្នាំ២០១៧ ស្ថិតនៅភូមិដំណាក់ស្វាយ ឃុំល្វេ ស្រុកកោះសូទិន ខេត្តកំពង់ចាម ។
សមត្ថកិច្ចបានអោយដឹងថា ជនសង្ស័យ ឈ្មោះ ប៉ា លិ ភេទប្រុស អាយុ២១ឆ្នាំ ជនជាតិខ្មែរ នៅភូមិដំណាក់ស្វាយ ឃុំល្វេ ស្រុកកោះសូទិន ខេត្តកំពង់ចាម ។
សមត្ថកិច្ចបានបន្តថា ឈ្មោះ ពិន ចន្ធី បានឡើងលួចយកស្លា កាត់ចំនួន១៥គីឡូក្រាម ដែលជាកម្មសិទ្ធរបស់ឈ្មោះ ឡាង វណ្ណី ភេទស្រី អាយុ៣២ឆ្នាំ ហើយត្រូវបានម្ចាស់ផ្ទះឃើញ ហើយប្តឹងសមត្ថកិច្ចប៉ុស្តិ៍នគរបាលរដ្ឋបាលល្វេ។
បច្ចុប្បន្នជនសង្ស័យ ត្រូវបានកម្លាំងជំនាញនៃអធិការដ្ឋាននគរបាលស្រុកកោះសូទិន សហការជាមួយកម្លាំងប៉ុស្តិ៍នគរបាលរដ្ឋបាលល្វេ នាំខ្លួនមកអធិការដ្ឋាននគរបាលស្រុកកោះសូទិន ដើម្បីកសាងសំណុំរឿងចាត់ការតាមនីតិវិធី ៕ វណ្ណៈ
