វិភាគអន្តរជាតិ៖ មេដឹកនាំកូរ៉េខាងជើង ៖ កូរ៉េខាងជើងអាចឋិតថេរបានដល់ពេលនេះអាស្រ័យលើបរមាណូ

ចែករំលែក៖

ប្រទេសដែលជាសត្រូវរបស់អាមេរិក គឺមិនអាចរួចផុតពីការវាយប្រហារដាក់ គំនាប ពីអាមេរិកនោះឡើយ ប្រសិនបើ គ្មាន បរមាណូជារនាំងការពារទេនោះ ។ ដូច ​ អ្វីដែលមេដឹកនាំកូរ៉េខាងជើងបានលើកឡើង បរមាណូគឺជាវត្ថុទិព្វ ដែលអាច ការពារកូរ៉េខាងជើង រួចផុតពីការវាយ ប្រហាររបស់អាមេរិក ហើយពេលនេះគឺ អាចការពារបានដោយអាមេរិកបានត្រឹមតែគំរាម ដោយមិនហ៊ានវាយប្រហារនោះ ឡើយ បើទោះបីអាមេរិកមានជម្រើសតែ មួយគឺយោធានោះក្តី។

កន្លងមក ប្រធានាធិបតីអាមេរិក លោក ដូណាល់ ត្រាំ បានសរសេរ នៅក្នុងសារ Twitterថា ជម្រើសសម្រាប់ដោះស្រាយជាមួយកូរ៉េខាងជើងមានតែមួយប៉ុណ្ណោះ។ ជម្រើសរបស់លោកដូណាល់ ត្រាំ គឺអាច ជាជម្រើសយោធាព្រោះសម្រាប់ លោក ដូណាល់ ត្រាំ យុទ្ធសាស្រ្តចរចាការទូត បានបរាជ័យរហូតមក។ នៅក្នុងសារ Twitter លោកបានសរសេររិះគន់ មេដឹកនាំ អាមេរិកមុនៗថា អសមត្ថភាពមិនអាច ដោះស្រាយ វិបត្តិនុយក្លេអ៊ែរកូរ៉េខាងជើងបាន។ លោកដូណាល់ ត្រាំ មិនបាន និយាយថា ជម្រើសតែមួយដើម្បីដោះស្រាយជាមួយកូរ៉េខាងជើងនោះជាអ្វីទេ គឺលោកបានប្រាប់ឲ្យគេរង់ចាំមើលតទៅទៀត។ ប៉ុន្តែ យ៉ាងណាក៏ដោយ មហាសេដ្ឋីអចលន ទ្រព្យរូបនេះ បាននិយាយថា លោកមិនចង់ បរាជ័យ ដូចមេដឹកនាំអាមេរិកមុនៗនោះ ទេ។ សម្ដីនេះធ្វើឲ្យគេរឹតតែជឿថា លោក ដូណាល់ ត្រាំ នឹងជ្រើសរើសយកផ្លូវយោ ធា ដើម្បី ដោះស្រាយជាមួយកូរ៉េខាងជើង។

មនុស្សជាច្រើននៅជុំវិញពិភពលោកសម្លឹងទៅអាមេរិកថា តើលោកត្រាំ គ្រាន់ តែ ជា«តោក្រដាស» បានតែគំរាម និងដាក់ ទណ្ឌកម្ម មិនហ៊ានធ្វើអ្វីប្រទេសដែលហ៊ានប្រឆាំងអាមេរិកដោយបើកចំហឬយ៉ាង ណា?

សារព័ត៌មាន ញូវយ៉កថាមស៍ បាន ផ្សាយថា រដ្ឋាភិបាល អាមេរិក ជប៉ុន និង កូរ៉េខាងត្បូង បានស្នើដល់អង្គការសហ ប្រជាជាតិ កោះប្រជុំជាបន្ទាន់ ក្រោយកូរ៉េ ខាងជើង បាញ់មីស៊ីល ហើយមីស៊ីលនោះ បាន ហោះហើរឆ្លងកាត់ប្រទេសជប៉ុន មុនពេល ធ្លាក់ចូលមហាសមុទ្រ ។ នៅ ពេលនេះដែរ ក្រសួងការពារជាតិជប៉ុន កំពុងតែប្រមូលព័ត៌មាន ពាក់ព័ន្ធនឹងការ បាញ់មីស៊ីលខាង លើ។

ការបាញ់មីស៊ីលថ្មីនេះ កើតឡើង ក្រោយរយៈពេល ៣ថ្ងៃដែលកូរ៉េខាងជើង បានបាញ់មីស៊ីលរយៈចម្ងាយខ្លី៣គ្រាប់ ចូលទៅក្នុងសមុទ្រជប៉ុន ប៉ុន្តែការបាញ់ នោះបរាជ័យ ។

មន្ត្រីយោធារបស់កូរ៉េខាងត្បូង មួយរូប បានបញ្ជាក់ថា កាំជ្រួចមីស៊ីលកូរ៉េខាងជើងបាញ់នៅវេលាម៉ោង៥និង៥៧នាទី(ម៉ោងក្នុងតំបន់)ដោយមីស៊ីលនោះហោះហើរ បានប្រមាណ ២.៧០០គីឡូម៉ែត្រ និង កម្ពស់៥៥០គីឡូម៉ែត្រទើបធ្លាក់ចូលសមុទ្រ។

ក្រុមអ្នកឯកទេសមីស៊ីល របស់អាមេរិក បានបញ្ជាក់ថា កាំជ្រួចមីស៊ីលថ្មីរបស់កូរ៉េខាងជើង ដែលបាញ់ឆ្លងកាត់ប្រទេស ជប៉ុននោះ គឺសំដៅទៅសេតវិមានរបស់ អាមេរិក និងជាការផ្ញើសារដ៏សំខាន់មួយទៅកាន់ប្រធានាធិបតីអាមេរិកដូណាល់ ត្រាំ។

មេដឹកនាំគីម ជុងអ៊ុន បានចេញបញ្ជាដោយផ្ទាល់នៅក្នុងការបាញ់មីស៊ីលនាព្រឹកថ្ងៃទី២៩ ខែសីហា ដោយឆ្លងកាត់ ទីតាំង កោះ Hokkaido របស់ជប៉ុន ធ្វើឲ្យរដ្ឋាភិ បាលជប៉ុនប្រកាសអាសន្នដល់ពលរដ្ឋ នៅ ទីនោះ។ កាំជ្រួចមីស៊ីលហោះបានរយៈ ពេល១៤នាទី ក៏ធ្លាក់ចម្ងាយពីកោះ ហុក កៃដូរបស់ជប៉ុន ១.២០០គីឡូម៉ែត្រ។

ក្រុមអ្នកឯកទេសបញ្ជាក់ថា កាំជ្រួច មីស៊ីលរបស់កូរ៉េខាងជើង ដែលទើបតែ បាញ់មិនមែនជាការគំរាមកំហែងដល់ជប៉ុននោះឡើយ គឺ ជាការបង្ហាញពីឥទ្ធិពលអាវុធដល់រដ្ឋាភិបាលអាមេរិក ដឹកនាំដោយ លោកដូណាល់ ត្រាំ។

នៅពេលនេះដែរ មនុស្សជាច្រើននៅជុំ វិញពិភពលោក បាននិងកំពុងតែ សម្លឹង ទៅលើអាមេរិកថា តើលោកត្រាំ មានវិធាន ការយ៉ាងណាចំពោះ កូរ៉េខាងជើង?ឬ ក៏ អាមេរិក គ្រាន់តែជា«តោក្រដាស» បានតែ គំរាម និងដាក់ទណ្ឌកម្មប៉ុណ្ណោះ មិនហ៊ានធ្វើអ្វីប្រទេសដែលហ៊ានប្រឆាំងនឹងអាមេរិក ដោយបើកចំហនោះទេ?

ប្រទេសទាំងអស់នៅលើពិភពលោក ក្នុងនោះមានប្រទេស ដែលមានកម្លាំងយោធាខ្លាំងដូចរុស្ស៊ី និងចិន ក៏មិនដែល គំរាមវាយប្រហារអាមេរិកនោះដែរ ។ ដោយឡែក កូរ៉េខាងជើង ជាប្រទេសក្រីក្រ មានអាវុធមិនខ្លាំង ដូចប្រទេសផ្សេងឡើយ ប៉ុន្តែ មិនដែលយោគយល់អាមេរិកម្តង ណាឡើយ អាមេរិកកាន់តែ គំរាម កាន់តែ ដាក់ទណ្ឌកម្ម កូរ៉េខាងជើងកាន់តែធ្វើ ខ្លាំងឡើង។

មេដឹកនាំកូរ៉េខាងជើង លោកគីម ជុង អ៊ុនបាននិយាយថា អាវុធនុយក្លេអ៊ែររបស់កូរ៉េខាងជើងនឹងជួយធានាការពារសន្តិភាព និងសន្តិសុខ នៅឧបទ្វីបកូរ៉េ ហើយ និងនៅ ក្នុងតំបន់។ អំណះអំណាងនេះ អាចសមហេតុសមផលនៅត្រង់ថា នៅ ពេលដែលកូរ៉េខាងជើង មានអាវុធនុយក្លេ អ៊ែរ នៅក្នុងដៃ នោះ កូរ៉េខាងជើងនឹង មិនអាច រងការគំរាមកំហែងផ្តេសផ្តាស ឬការឈ្លានពានធ្វើសង្រ្គាមពីប្រទេស ណាមួយទេ។ មានអាវុធនុយក្លេអ៊ែរ នៅក្នុងដៃកូរ៉េខាង ជើងក្លាយជាមហា អំណាចនុយក្លេអ៊ែរ ដែលគេត្រូវ គោរព កោតខ្លាច មិនមើល ស្រាលដូចមុន។ អាច និយាយបានថា គេត្រូវគិតគូរល្អិតល្អន់ខ្លាំងណាស់ មុននឹងសម្រេចចិត្តវាយប្រហារ ទៅលើ ប្រទេស ដែលមានអាវុធនុយក្លេអ៊ែរ ឬប្រទេសដែលជួយគាំទ្រដោយមហា អំណាចនុយក្លេអ៊ែរ។ គេពិចារណាថ្លឹង ថ្លែងខ្លាំង ព្រោះថា បើកើតសង្រ្គាមរវាង ប្រទេសមានអាវុធនុយក្លេអ៊ែរនោះផល វិបាកបាត់បង់ជីវិតមនុស្ស ហើយ និងសេដ្ឋ កិច្ច គឺធំធេងណាស់សម្រាប់គ្រប់ភាគី ជម្លោះ។ ដូច្នេះហើយបានជាតាំង ពីក្រោយ សង្រ្គាមត្រជាក់មកអាវុធនុយក្លេអ៊ែររបស់អាមេរិកក្តី ឬរបស់រុស្ស៊ីក្តី ត្រូវបានគេប្រើប្រាស់ ជាមធ្យោបាយ សម្រាប់ទប់ស្កាត់កុំឲ្យ កើតសង្រ្គាមនុយក្លេអ៊ែរ។

បទពិសោធន៍កន្លងមក គ្រាប់បែកនុយ ក្លេអ៊ែរ មិនដែលត្រូវបានគេប្រើម្តងណា នោះទេ បើទោះបីជាកើតមានជម្លោះប្រដាប់អាវុធ ឬភាពតានតឹងរវាងភាគីជម្លោះក្តី។ ជាក់ស្តែងឥណ្ឌា និងប៉ាគីស្ថានសុទ្ធតែ មានអាវុធនុយក្លេអ៊ែររៀងៗខ្លួន ប៉ុន្តែបើ ទោះបីជាប្រទេសទាំងពីរ ជាសត្រូវ និង ឧស្សាហ៍ឈ្លោះគ្នា នៅតាមព្រំដែន ប៉ុន្តែ ឥណ្ឌា និងប៉ាគីស្ថានមិនបានប្រើអាវុធនុយក្លេអ៊ែរ ដើម្បីសម្លាប់គ្នាទៅវិញទៅមកទេ។

មានអាវុធនុយក្លេអ៊ែរ ដើម្បីទប់ស្កាត់ កុំឲ្យមានផ្ទុះសង្រ្គាមនុយក្លេអ៊ែរ នេះជា អំណះអំណាងដែលប្រទេសមហាអំណាចនុយក្លេអ៊ែរ បានលើកឡើងរហូតមក ប៉ុន្តែ សម្រាប់អ្នកដែលប្រឆាំងមិនឲ្យមានអាវុធប្រល័យលោកវិញអាវុធនុយក្លេអ៊ែរ គឺមាន តែទៅជំរុញឲ្យមានការរីកសាយភាយ នៃការផលិតអាវុធនុយក្លេអ៊ែរ ដែលគ្រោះ ថ្នាក់កាន់តែខ្លាំង សម្រាប់ជីវិតរស់រាននៅ លើផែនដី៕ ម៉ែវ សាធី


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print