ខេត្តកំពង់ចាម ៖ នៅថ្ងៃទី១៩ ខែមករា ឆ្នាំ២០១៨ វេលាម៉ោង១១និង៣០នាទី នៅចំណុចវត្តស្វាយតានង់ ស្ថិតក្នុងភូមិស្វាយតានង់ ឃុំព្រែករំដេង ស្រុកស្រីសន្ធរ ខេត្តកំពង់ចាម កំលាំងជំនាញការិយាល័យប្រឆាំងគ្រឿងញៀន សហការជាមួយកំលាំងជំនាញអធិការដ្ឋាននគរបាលស្រុកកោះសូទិន និងស្រីសន្ធរ បានបេីកកិច្ចប្រតិបត្តិការបង្ក្រាបករណីចែកចាយ និងប្រេីប្រាស់ដោយខុសច្បាប់នូវសារធាតុញៀន ក្នុងនោះឃាត់ជនសង្ស័យ៧នាក់ ។
លោក វរសេនីយ៍ត្រី ជីវ សេងរស់ នាយរងការិយាល័យ ប្រឆាំងគ្រឿងញៀនបានអោយដឹងថា កិច្ចសហការដឹកនាំដោយលោកផ្ទាល់ សហការរួមជាកំលាំងជំនាញអធិការដ្ឋាននគរបាលស្រុកកោះសូទិន និងស្រីសន្ធរ ។
លោកបន្តថា ជនសង្ស័យទាំង៧នាក់ ដែលត្រូវសមត្ថកិច្ច ឃាត់ខ្លួន ៖ ១-ឈ្មោះ យ៉ា យូសុះ ភេទប្រុស អាយុ ៣៣ឆ្នាំ ,២-ឈ្មោះ អា រ៉ូហ្វឺត ភេទប្រុស អាយុ៣០ឆ្នាំ ៣-ឈ្មោះ រ៉ូ សាលី ភេទប្រុស អាយុ២៥ឆ្នាំ ៤-ញ៉ា ហ្វាហ្សី ភេទប្រុស អាយុ២៤ឆ្នាំ ។ អ្នកទាំង០៤នាក់ស្នាក់នៅភូមិស្វាយតានង់ ឃំុព្រែករំដេង ស្រុកស្រីសន្ធរ ខេត្តកំពង់ចាម ។ ៥-ឈ្មោះ លាស់ ម៉ាអាត ភេទប្រុស អាយុ៣៥ឆ្នាំ នៅភូមិអង្គរបានទី១ ឃំុអង្គរបាន ស្រុកកងមាស ៦-ឈ្មោះ លន់ វុទ្ធី ភេទប្រុស អាយុ២១ឆ្នាំ និងទី៧-ឈ្មោះ ថា ណាចារ ភេទប្រុស អាយុ១៩ឆ្នាំទាំពីរនាក់នៅភូមិព្រែករំដេង ឃំុព្រែករំដេង ស្រុកស្រីសន្ធរ។ រឹបអូសវត្ថុតាងរួមមាន: ម្សៅក្រាមពណ៌សង្ស័យថ្នាំញៀន០២កញ្ចប់ ទូរស័ព្ទដៃ០៥គ្រឿង និងម៉ូតូ៤គ្រឿង។
ជនសង្ស័យទាំង៧នាក់រួមនិងវត្ថុតាង កំលាំងបានកសាងសំណុំរឿងបញ្ជូនទៅតុលាការចាត់ការតាមច្បាប់ ៕ វណ្ណៈ
