ភ្នំពេញ៖ ជនសង្ស័យម្នាក់ក្នុងចំណោមបក្សពួក២នាក់ត្រូវបាននគរបាលប៉ុស្តិ៍ភ្នំពេញថ្មីឃាត់ខ្លួន បន្ទាប់ពីធ្វើសកម្មភាពលួចបូមចង្កូតរថយន្តចំនួន២ ។
ការឃាត់ខ្លួននេះបានធ្វើឡើងការពីវេលាម៉ោង១២និង៣០នាទី ថ្ងៃទី២៨ ខែតុលា ឆ្នាំ២០១៥ នៅចំណុចយានដ្ឋាន ឆាយមួយហេង២ តាមបណ្តោយផ្លូវ១៩៨៦ ស្ថិតក្នុងក្រុម១ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
សមត្ថកិច្ចបានអោយដឹងថា ជនសង្ស័យដែលឃាត់ខ្លួនមានឈ្មោះ យ៉ែន វិសាល (ហៅអាខ្នា) ភេទប្រុស អាយុ២៤ឆ្នាំ មុខរបរបើកឡានស្ទួច ស្នាក់នៅយានដ្ឋានខាងលើ មានស្រុកកំណើតនៅភូមិចំបក់ ឃុំចុងអម្ពិល ស្រុកកញ្ច្រេច ខេត្តព្រៃវែង ។ ចំណែកជនសង្ស័យម្នាក់ទៀតមានឈ្មោះ ឡេ លីណា (ហៅម៉ាប់) ភេទប្រុស អាយុ៣២ឆ្មាំ រត់គេចខ្លួន ។
ដើមបណ្តឹងមានឈ្មោះ ផា សុខា ភេទប្រុស អាយុ៤៤ឆ្នាំ ស្នាក់នៅផ្ទះលេខ២៣២A. ផ្លូវលេខ១៨២ ភូមិ៧ សង្កាត់ផ្សាដេប៉ូ១ ខណ្ឌទួលគោក។
សមត្ថកិច្ចបានអោយដឹងទៀតថា នៅមុនពេលកើតហេតុជនសង្ស័យបានធ្វើសកម្មភាពលួចយបូមចង្កូតរថយន្តចំនួន២យកមកទុកនៅកន្លែងដេកហើយបានទួរសព្ទ័ហៅបក្សពួកម្នាក់ទៀតឈ្មោះ ឡេ លីណា អោយមកយក ពេលនោះជនសង្ស័យឈ្មោះ យ៉ែន វិសាល បានយកបូមចង្កូតរថយន្តទៅអោយឈ្មោះឡេ លីណា ដែលជាបក្ខពួក ក៏ត្រូវមេការឃើញ ក៏ឃាត់ខ្លួនឈ្មោះយ៉ែន វិសាល បានតែម្តងចំណែកបក្សពួកម្នាក់ទៀតឈ្មោះឡេលីណាបានជិះម៉ូតូគេចខ្លួនបាត់ ។
បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខដើម្បីចាត់ការតាមផ្លូវច្បាប់ ។ ចំណែកបក្ខពួកម្នាក់ទៀតសមត្ថកិច្ចកំពុងស្រាវជ្រាវរកចាប់ខ្លួន ៕
ដោយ៖ តុង សីហា
