ខេត្តកោះកុង ៖ ជនសង្ស័យជាឃាតករដែលវាយសំលាប់បុរសកម្មករទូកនេសាទឈ្មោះនេត សម្បត្តិ ពេលនេះត្រូវសមត្ថកិច្ចកងរាជអាវុធហត្ថស្រុកគីរីសាគរខេត្តកោះកុង ចាប់ខ្លួនបានហើយកាលពីថ្ងៃទី២៤កុម្ភៈឆ្នាំ២០១៨ ។
ជនសង្ស័យ មានឈ្មោះ នេត អឿន អាយុ៤២ឆ្នាំ មុខរបរកម្មករទូកនេសាទ ។ក្រោយចាប់ខ្លូន អាវុធហត្ថស្រុកគីរីសាគរបានបញ្ជូនជនសង្ស័យមកកាន់ទីបញ្ជាការដ្ឋានកងរាជអាវុធហត្ថខេត្តព្រះសីហនុចាត់ការបន្តតាមផ្លូវច្បាប់។
សូមបញ្ជាក់ផងដែរថា ទូកនេសាទមួយគ្រឿងចេញអូសត្រី បែជាមកជាប់សាកសពមនុស្សស្លាប់អណ្តែតទឹក ផ្អើលដល់ក្រុមសមត្ថកិច្ច។ករណីនេះបានកើតមានឡើងនៅម៉ោង៦និង៣០នាទីព្រឹកថ្ងៃទី២៤កុម្ភៈឆ្នាំ២០១៨ស្ថិតនៅស្រុកស្ទឹងហាវ ខេត្តព្រះសីហនុ។
សមត្ថកិច្ចបានឱយដឹងថា សពដែលស្លាប់អណ្តែតទឹកមកជាប់ក្នុងមងទូកនេសាទព្រឹកមិញនេះ សមត្ថកិច្ចជំនាញធ្វើកោសល្យវិច័យ បានសន្និដ្ឋានថា ជាករណីឃាតកម្ម សពជនរងគ្រោះមានឈ្មោះ នេត សម្បត្តិ អាយុ៤៨ឆ្នាំ មានមុខរបរនេសាទ មានទីលំនៅឃុំ សាមគ្គី ស្រុកព្រៃនប់ ខេត្តព្រះសីហនុ៕ឆ្លាម សមុទ្រ
