តាំងពីសង្គ្រាម ឆ្នាំ១៩៥០-១៩៥៣ បញ្ចប់ទៅដោយកិច្ចព្រមព្រៀងឈប់បាញ់ មិនមែនជាកិច្ចព្រមព្រៀងសន្តិភាពនោះឡើយ បានធ្វើឲ្យឧបទ្វីបកូរ៉េស្ថិតនៅក្នុង សង្គ្រាម ជាង៦ទសវត្សន៍កន្លងមក ហើយ ក៏ជាហេតុផល ដែលកូរ៉េខាងជើង បង្កើនការផលិតអាវុធដើម្បីការពារខ្លួន ពីព្រោះ បទឈប់បាញ់អាច នឹងត្រូវបំផ្លាញចោល គ្រប់ពេលវេលា។
ចំណុចទាំងនោះហើយបានជាក្រុមអ្នកវិភាគ លើកឡើងថា ការដែលកូរ៉េខាង ជើងផលិតមីស៊ីលនិងបរមាណូ គឺជារឿង ត្រឹមត្រូវ សមហេតុផលដើម្បីការពារខ្លួន ទប់ស្កាត់ការវាយប្រហារពីប្រទេស កូរ៉េ ខាងត្បូងនិងអាមេរិក ។ កូរ៉េខាងជើង បានដឹងថាអាមេរិកមានបំណងវាយប្រហារមកលើខ្លួនដើម្បីបង្រួបបង្រួមទៅជាប្រទេស កូរ៉េតែមួយដូចដើម។
មេដឹកនាំកូរ៉េខាងជើង ធ្លាប់បានស្នើអាមេរិកជាច្រើនលើកឲ្យចុះសន្ធិសញ្ញាសន្តិភាព តែអាមេរិក មិនព្រមឡើយ ដែលជា ហេតុធ្វើឲ្យកូរ៉េខាងជើង ត្រូវតែបង្កើនការ ផលិតអាវុធបរមាណូ បើទោះបីរងការដាក់ ទណ្ឌកម្ម ធ្ងន់ប៉ុនណាក្តី។
នៅពេលនេះ ក្រោយដំណើរទស្សនកិច្ច របស់លោកគីម ជុងអ៊ុនទៅកាន់ប្រទេស ចិន ជាលើកដំបូង គឺជាសញ្ញានៃការផ្សះ ផ្សាទំនាក់ទំនង និងស្នើរឲ្យចិន រក្សាសន្តិ សុខ កូរ៉េខាងជើង ដើម្បីឲ្យប្រទេសនេះ មានទំនុកចិតពីសុវត្ថិភាព មុនពេលបោះ បង់កម្មវិធីបរមាណូ។ ជាមួយគ្នានេះប្រធា នាធិបតីចិន លោក ស៊ី ជីនពីង បានលើក ឡើងនូវសន្ធិសញ្ញា សន្តិភាពមួយ រវាង កូរ៉េខាងជើង នឹងកូរ៉េខាងត្បូង សហរដ្ឋ អាមេរិកនិងចិន ក្នុងអំឡុងកិច្ចសន្ទនាគ្នា តាមទូរស័ព្ទមួយ ជាមួយប្រធានាធិប តីអាមេរិក លោក ដូណាល់ ត្រាំ កាលពី ខែមុន។
យោងតាមប្រភពព័ត៌មានពីកាសែតអាមេរិក UPI បានឲ្យដឹងថា កាសែតប្រចាំ ថ្ងៃរបស់ជប៉ុន កាលពី ថ្ងៃអាទិត្យ ទី១ ខែមេសានេះ បានដកស្រង់សម្តីប្រភព មន្ត្រីការទូតផ្សេងៗគ្នាថា ប្រទេសចិន កំពុងតែសង្ឃឹមថា នឹងផ្ទេរកិច្ចព្រមព្រៀងឈប់បាញ់ឆ្នាំ១៩៥៣ រវាងប្រទេស កូរ៉េទាំងពីរ ឲ្យក្លាយជាសន្ធិសញ្ញា សន្តិ ភាពវិញ។
កាលពីថ្ងៃទី៩ ខែមីនាកន្លងទៅ មេដឹកនាំចិនបានធ្វើការសង្កត់ធ្ងន់ចំពោះភាព ចំាបាច់នៃការចូលរួមរបស់ប្រទេសចិន ក្នុងកិច្ចពិភាក្សាអំពីការលុបបំបាត់នុយក្លេអ៊ែរកូរ៉េខាងជើង ក្នុងដំណើរដ៏ប្រាកដមួយ ដើម្បីធានារក្សាអំណាចទីក្រុងប៉េកាំង លើកិច្ចការជុំវិញឧបទ្វីបកូរ៉េ។
ទីភ្នាក់ងារសារព័ត៌មានជប៉ុន ក្យូដូ បានរាយការណ៍ថា លោក ត្រាំ មិនបាន ផ្តល់ចម្លើយច្បាស់លាស់ ដល់សំណើរបស់ លោក ស៊ី ជីនពីងទេ និងបានស្នើឲ្យទីក្រុងប៉េកាំងបន្តដាក់សម្ពាធ លើទីក្រុងព្យុង យ៉ាង ទៀតផង៕ ម៉ែវ សាធី
