បាញ់គំរាមពីរគ្រាប់​ ព្រោះសួររកប្រពន្ធ នៅមុខហាង THE CONNER

ចែករំលែក៖

ភ្នំពេញ​ ៖​ ប្រភព​ព័ត៌មាន​បានអោយដឹងថា​នៅម៉ោងប្រមាណ​៤ និង៤០នាទីទាបភ្លឺ​ ថ្ងៃទី១១ ខែមេសា​ ឆ្នាំ២០១៨ នៅ​ មុខហាង The Coner 136 ប្លុក Bar បារាំង​ តាមបណ្ដោយ​ផ្លូវលេខ១៣៦ កែងផ្លូវ លេខ៥ ស្ថិតក្នុងសង្កាត់ផ្សារកណ្ដាលទី១ ខណ្ឌដូនពេញ​ រាជធានីភ្នំពេញ​ មានករណី​ផ្ទុះអាវុធចំនួន២គ្រាប់​ ក្នុងការបាញ់គំរាម​ ។

ក្រោយមានករណីផ្ទុះអាវុធនេះឡើង​ សូម្បីតែសមត្ថកិច្ច អាជ្ញា​ធរមូលដ្ឋានបានព្យាយាមលាក់បាំងព័ត៌មាន​ ខណៈ​ហេតុ​ការណ៍​នេះ បានបង្កអោយមានការភ្ញាក់ផ្អើល ។

ជនរងគ្រោះ ​ឈ្មោះ ឈាវ វណ្ណា អាយុ២៤ឆ្នាំ មុខរបរកឹបសំបុត្រម៉ូតូ ស្នាក់នៅក្បែរកន្លែងកើតហេតុ។

ប្រភពព័ត៌មានបានអោយដឹងថា​ នៅមុនពេលកើតហេតុ គេឃើញយុវជនម្នាក់ បានដើរសួររកប្រពន្ធ ដែលធ្វើការនៅហាងមួយកន្លែង ជិតចំណុចកើតហេតុ ខណៈរកមិនឃើញ បានស្រែក ឡូឡា ។ មួយសន្ទុះក្រោយមក ក៏មានបុរសម្នាក់បានដើរចេញពីក្នុងហាង THE CONNER 136 មកសួរនាំគាត់ គាត់បានឆ្លើយថា ខ្ញុំមករកប្រពន្ធ​តើសបង ! តែរកមិនទាន់ឃើញទេ ជនរងគ្រោះក៏សួរបុរសរូបនោះមានឃើញប្រពន្ធខ្ញុំទេ ស្រាប់តែបុរសរូប នោះដកកាំភ្លើងខ្លីដែលសៀតនៅចង្កេះ បាញ់ឡើងលើមួយគ្រាប់ ដើម្បីគំរាមជនរងគ្រោះ តែជនរងគ្រោះស្រែកថា ម៉េចបាន បងឯងបាញ់ខ្ញុំ? ខ្ញុំមករកប្រពន្ធខ្ញុំទេ ស្រាប់តែបុរសរូបនោះ បាញ់ថែមមួយគ្រាប់ទៀត ជាការ ព្រមានជាលើកទី២ រួចឡើងជិះម៉ូតូមួយគ្រឿង ម៉ាក SL ពាក់ស្លាក លេខភ្នំពេញ​ 1J-2713 ចេញទៅបាត់ ។

តាមរយៈ​ក្លិនគ្រាប់រំសេវ​ និងវត្ថុតាងសំបកកាទុស​ និង​ការ​សាកសួរសាក្សីនៅកន្លែងកើតហេតុ​ ពិតជាមានករណីផ្ទុះអាវុធ​កើតឡើងមែន​ ។ ទាំងប្រជាពលដ្ឋក៏បានបញ្ជាក់​អំពី​ហេតុ​ការណ៍ផ្ទាល់ជាច្រើន ដោយឃើញបុរសម្នាក់ជិះម៉ូតូម៉ាក SL ពាក់ស្លាកលេខភ្នំពេញ​ 1J-2713 នោះជាអ្នកបាញ់​។

បើទោះយ៉ាងណា​ កម្លាំងនគរបាលប៉ុស្តិ៍ផ្សារកណ្ដាលទី១ មិនព្រមឱ្យក្រុមអ្នកសារព័ត៌មាន ធ្វើការសាកសួរនោះទេ ដោយមន្ត្រីនគរបាលមួយរូបបានអះអាងថា អត់មានផ្ទុះអាវុធនោះទេ គ្រាន់ជាករណីប្ដីឈ្លោះគ្នាជាមួយប្រពន្ធសោះ ចាំបានសួរនាំអីច្រើនទេ រួចក៏នាំជនរងគ្រោះចូលក្នុងប៉ុស្តិ៍បាត់ទៅ ៕​ ជាយក្រុង

...


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print