ខេត្តរតនគិរី ៖ ភ្ញៀវទេសចរណ៍ជាតិនិងអន្តរជាតិក៏ដូចជាប្រជាពលរដ្ឋដែលអញ្ចើញចូលមកកំសាន្ដតាមរមណីយដ្ឋាននានាក្នុងខេត្តរតនគិរី នាឱកាសបុណ្យចូលឆ្នាំថ្មីប្រពីណៃជាតិរយះពេលបីថ្ងៃមានសភាពច្រើនកុះករ ហើយពួកគាត់បានសម្តែងនូវការសាទរយ៉ាងក្រៃលែងនឹងបានថ្លែងអំណរគុណចំពោះរាជរដ្ឋាភិបាលកម្ពុជាដែលមានសម្តេចតេជោហ៊ុន សែន ជាប្រមុខបាននាំមកនូវសន្តិភាពជូនប្រទេសជាតិ ធ្វើឱ្យប្រទេសមានការអភិវឌ្ឍន៍រីកចំរើនលើគ្រប់វិស័យ និងបានបង្កើតកម្មវិធីសប្បាយៗប្រចាំឆ្នាំជាច្រើន ជាពិសេសការរៀបចំពិធីអបអរសាទរបុណ្យចូលឆ្នាំថ្មីប្រពីណៃជាតិ ឆ្នាំច សំរឹទ្ធស័ក.ព.ស.២៥៦២.គ.ស.២០១៨ដែលបានបង្ហាញដល់ភ្ញៀវទេសចរជាតិអន្តរជាតិឱ្យគេបានដឹងកាន់តែច្បាស់ពីកម្ពុជាដែលជាប្រទេសដែលមាន សុខសន្តិភាព ស្ថេរភាព និងការអភិវឌ្ឍន៍យ៉ាងពិតប្រាកដ។
លោកង៉ែត. ពិទូ ប្រធានមន្ទីរទេសចរណ៏ខេត្តរតនគិរីបានអោយដឹងថាភ្ញៀងទេសចរណ៏ដែលអញ្ចើញចូលមក កំសាន្ដនៅក្នុងខេត្តរតនគិរីក្នុងឱកាសបុណ្យចូលឆ្នាំប្រពៃណីខ្មែរមានរយ:ពេល ៣ថ្ងៃ( ១៣.១៤ .១៥ ) មានចំនួន ៨០៣៨១ នាក់ កើនឡើង ៦.៧% ក្នុងនោះភ្ញៀវទេសចរជាតិមានចំនួន ៧៩៦៦៤ នាក់ កើនភ្ញៀវអន្តរជាតិមានចំនួន៧១៧នាក់មានការកើនឡើង ។
លោកង៉ែតពិទូបានបន្ដទៀតថាពាក់ព័ន្ធនឹងម្ហូបអាហារតាមរមណីយដ្ឋាន សណ្ឋាគារ ផ្ទះសំណាក់ លោកបានចាត់អោយក្រុមការងាររបស់លោកចុះអប់រំណែនាំអំពីអនាម័យ និងជំរុញមិនអោយមានការតំឡើងថ្លៃនាឱកាសបុណ្យចូលឆ្នាំថ្មីប្រពីណៃជាតិឆ្នាំ២០១៨នោះទេ ។
ប៉ុន្ដែនៅតែមានអ្នកបំរើសេវាម្ហូបអាហានិងសណ្ឋាគារ ផ្ទះសំណាក់ មួយចំនួនបានតំឡើងថ្លៃលើសការកំណត់របស់មន្ទីរបន្ដិចបន្ដួចផងដែរ ។
ក្នុងឱកាសពិធីបុណ្យចូលឆ្នាំថ្មីប្រពីណៃជាតិឆ្នាំច សំរឹទ្ធស័ក.ព.ស.២៥៦២.គ.ស.២០១៨រយះពេលបីថ្ងៃអាជ្ញាធរខេត្តរតនគិរីបានរៀបចំអោយមានកម្មវិធីសង្រ្កាន្តយក្ខឡោម ដោយមានពិធីលេងល្បែងប្រជាប្រីយ៍ មានដូចជា បោះអង្គុញ ចោលឈូង លាក់កន្សែង ទាញ់ព្រ័ត ដណ្តើមស្លឹកឈឺ វាយក្អម ឡើងសរសរខ្លាញ់នឹងប្រណាំងកង់យឿតជាដើម ។
ក្រៅពីនេះក៏មានទស្សនីយ៍ភាពសិល្បះការរាំលេងកំសាន្តសប្បាយហើយនៅពេលរាត្រីក៏មានពិធីបាញ់កាំជ្រួចដើម្បីអបអរសាទរការផ្លាស់ប្តូឆ្នាំចាស់ផ្លាស់ចូលឆ្នាំថ្មីសុំសេចក្តីសុខសេចក្តីចំរើនដល់បងប្អូនប្រជាពលរដ្ឋក្នុងខេត្តរតនគិរីទាំងមូលផងដែរ ៕ ដោយៈជីវន្ត
