ខេត្តកំពង់ឆ្នាំង៖ បុរសម្នាក់បានរងរបួសរហូតដល់ដាច់ខ្យល់ស្លាប់ដោយសារដោយសារអ្នកបើកបរថយន្តងោកហើយជ្រុលទៅបុកនឹងដើមស្វាយពេញមួយទំហឹង ដែលហេតុការណ៍នេះបានកើតឡើងកាលពីវេលាម៉ោង៤និង៣០នាទីទាបភ្លឺថ្ងៃទី១០ ខែវិច្ឆិកា ឆ្នាំ២០១៥ នៅលើផ្លូវជាតិលេខ៥ ក្នុងភូមិព្រៃខ្មែរ ឃុំរលាប្អៀរ ស្រុករលាប្អៀរ ខេត្តកំពង់ឆ្នាំង ។
សមត្ថកិច្ចនគរបាលចរាចរណ៍ស្រុករលាប្អៀរបានអោយដឹងថាជនរងគ្រោះដែលស្លាប់ក្នុងឧប្បត្តិហេតុគ្រោះថ្នាក់ចរាចរណ៍នេះ ឈ្មោះហែម សុជាតិ អាយុ៣២ឆ្នាំ រស់នៅភូមិរំចេក ឃុំឈើទាល ស្រុកស្វាយជ្រុំ ខេត្តស្វាយរៀង ចំណែកអ្នកបើកបររថយន្តជាឪពុកចិញ្ចឹមឈ្មោះ ម៉ុង វណ្ណា អាយុ៥១ឆ្នាំ រងរបូស្រាល រស់នៅភូមិឃុំជាមួយគ្នា ។
សាក្សីនៅកន្លែងកន្លែងកើតហេតុបានប្រាប់សមត្ថកិច្ចអោយដឹងថា នៅមុនពេលកើហេតុរថយន្តមានរថយន្តមួយគ្រឿង ម៉ាកKIA ពណ៌ខៀវលាយស ពាក់ស្លាកលេខ ភ្នំពេញ AF –៦០២៣ បានបើកបរក្នុងល្បឿនយ៉ាងធ្វើដំណើរពីជើងទៅត្បូង លើផ្លូវជាតិលេខ៥។ នៅពេលមកដល់ចំណុចកើតហេតុ គេឃើញរថយន្តបានបើករេចង្កូតទៅខាងស្តាំក៍ជ្រុលចង្កូតទៅបុកគល់ស្វាយមួយដើមពេញទំហឹង បណ្តាលអោយព្រូរថយន្តម្នាក់ដែលរួមដំណើរជាមួយកៀបជាប់នៅក្នុងរថយន្តតែម្តង និង ត្រូវបានប្រជាពលរដ្ឋក្នុងភូមិចេញមកជួយទាញយកតែមិនអាចជួយទាន់ រហូតបណ្តាលអោយជនរងគ្រោះនេះស្លាប់បាត់បង់ជីវិតតែម្តង ។
ក្រោយពេលកើតហេតុសមត្ថកិច្ចនគរបាលបានស្ទួចយករថយន្តមករក្សាទុកនៅអធិការដ្ឋាននគរបាលស្រុករលាប្អៀរ ៕
ដោយ៖ ចន្ថា
