ភ្នំពេញ៖ បុកម្នាក់បានរងរបួសបាក់ជើងខាងឆ្វេង ខណៈដែលរូបគេបានជិះម៉ូតូមួយគ្រឿងក្នុងល្បឿនលឿនជ្រុលបុករថយន្ដកំពុងបត់ឆ្លងផ្លូវចូលផ្ទះពេញទំហឹង ត្រូវបានរថយន្ដសាមុយដឹកយកទៅសង្គ្រោះនៅមន្ទីរពេទ្យភ្លាមៗ។
ហេតុការណ៍គ្រោះថ្នាក់ចរាចរណ៍នេះបានកើតឡើងកាកពីវេលាម៉ោង២១និង២០នាទី ថ្ងៃទី១០ ខែវិច្ឆិកា ឆ្នាំ២០១៥ នៅចំណុចខាងមុខផ្ទះលេខ២ តាមបណ្ដោយផ្លូវលេខ៣១៥ ស្ថិតក្នុងសង្កាត់ បឹងកក់១ ខណ្ឌទួលគោក រាជធានីភ្នំពេញ។
សាក្សីដែលបានឃើញហេតុការណ៍បានអោយដឹងថា នៅមុនពេលកើតហេតុគេបានឃើញមានរថយន្ដមួយគ្រឿងម៉ាក ម៊ែកស្ដេស ពណ៍ខ្មៅ ពាក់ស្លាកលេខ ភ្នំពេញ2B-7777 ធ្វើដំណើរតាមបណ្ដោយផ្លូវលេខ៣១៥ ទិដៅពីជើងមកត្បូងហើយបានបើកស៊ីញ៉ូបត់ឆ្វេងឆ្លងផ្លូវចូលផ្ទះលេខ២ ពេលដែលកំពុងបត់ក៏មានបុរសម្នាក់ជិះម៉ូតូមួយគ្រឿងម៉ាកហង់ដា ឌ្រីម C125 សេរីឆ្នាំ២០០៦ ពណ៍ខ្មៅ ពាក់ស្លាកលេខ ភ្នំពេញ 1O-7251 ធ្វើដំណើរបញ្ច្រាសទិសគ្នាបានមកបុកចំក្បាលរថយន្ដពេញទំហឹងបណ្ដាលអោយម្ចាស់ម៉ូតូរងរបួសបាក់ជើងខាងឆ្វេង ចំណែករថយន្ដរងការខូចខាត។
ប្រភពដដែបានបន្តថា ក្រោយកើតហេតុអ្នករងរបួសត្រូវបានរថយន្ដសាមុយដឹកយកទៅសង្គ្រោះនៅមន្ទីរពេទ្យ ចំនែករថយន្ដនិងម៉ូតូកម្លាំងជំនាញចុះធ្វើការវាស់វែងយកទៅរក្សាទុកនៅការិយាល័យចរាចរណ៍រាជធានីភ្នំពេញ ដើម្បីរង់ចាំដោះស្រាយនៅពេលក្រោយ ៕
ដោយ៖ ភារ៉ា
