ខេត្តកំពង់ចាម ៖ កំលាំងជំនាញខេត្ត សហការជាមួយកម្លាំងជំនាញស្រុកកំពង់សៀម និងក្រុងកំពង់ចាម បានបេីកកិច្ចប្រតិបត្តិការបង្ក្រាបករណីជួញដូរដោយខុសច្បាប់នូវសារធាតុញៀន ដោយប្រេីវិធានញុះញង់ ឃាត់ខ្លួនជនសង្ស័យ០៤នាក់ ស្រី០១នាក់ ដែលសុទ្ធតែជាផ្ទុកនូវសារធាតុញៀន។
កិច្ចសហការបង្ក្រាបនេះធ្វើឡើងនៅថ្ងៃទី២២ ខែឧសភា ឆ្នាំ២០១៨ វេលាម៉ោង ១៦និង៥០នាទី នៅចំណុចសួនកុមារ ស្ថិតក្នុងភូមិទី៧ សង្កាត់កំពង់ចាម ក្រុងកំពង់ចាម ។
សមត្ថកិច្ចបានអោយដឹងថា អ្នកទាំង៤នាក់ដែលត្រូវឃាត់ខ្លួន មាន៖
១-ឈ្មោះ ឌុក សំណាង ភេទប្រុស អាយុ២៣ឆ្នាំ ជាតិខ្មែរ នៅភូមិរកាគយ ឃំុរកាគយ ស្រុកកងមាស ខេត្តកំពង់ចាម(មុខសញ្ញាដោះលែងពីពន្ធនាគារ បទល្មេីសឆបោក)
២-ឈ្មោះ គុំ ផារិន ភេទស្រី អាយុ២៤ឆ្នាំ ជាតិខ្មែរ ស្នាក់នៅភូមិមេម៉ាយ សង្កាត់បឹងកុក ក្រុងកំពង់ចាម
៣-ឈ្មោះ ស៊្រាន តុលា ភេទប្រុស អាយុ២៤ឆ្នាំ ជាតិខ្មែរ
៤-ឈ្មោះ ស៊ឺ្រ បុត្រ ភេទប្រុស អាយុ១៤ឆ្នាំ (លទ្ធផលធ្វេីតេស្តទឹកម៉ូត វិជ្ជមាន) ទាំង០២នាក់ នៅភូមិថ្មីខ ឃំុរកាគយ ស្រុកកងមាស ខេត្តកំពង់ចាម។
សមត្ថកិច្ចបានបញ្ជាក់ថា ក្រោយការឃាត់ខ្លួនរកឃើញនិងចាប់យកវត្ថុតាងរួមមាន ៖ ម្សៅក្រាមពណ៌សសង្ស័យថ្នាំញៀន០៣កញ្ចប់(ធំ០២កញ្ចប់ និងតូច០១កញ្ចប់) ម៉ូតូ០១គ្រឿង ទូរស័ព្ទដៃ០២គ្រឿង និងប្រាក់ញុះញង់ ៥០០.០០០រៀល ។
ជនសង្ស័យទាំង៤នាក់ខាងលើ ជំនាញបានធ្វេីតេស្តទឹកម៉ូដដើម្បីពិនិត្យនិងស្វែងរកសារធាតុញៀន ដោយលទ្ធផល វិជ្ជមានទាំង ៤នាក់ ។ ពួកគេនឹងត្រូវបានបញ្ជូនខ្លួនទៅកាន់ តុលាការដាក់ទោសទណ្ឌតាមច្បាប់ផងដែរ ៕ វណ្ណៈ
