ភ្នំពេញ៖ មនុស្សប្រុស ស្រី យ៉ាងតិច៧នាក់បានរងរបួសធ្ងន់ ស្រាល និងបានស្លាប់ម្នាក់ខណៈបញ្ជូនទៅសង្គ្រោះដល់មន្ទីរពេទ្យ បន្ទាប់ពីហេតុការណ៍គ្រោះថ្នាក់ចរាចរណ៍បង្កឡើងដោយរថយន្តម៉ាកហ៊ីយ៉ាន់ដាយបើកបុកពេញទំហឹងរថយន្តមួយគ្រឿងទៀត ខណៈដែលទើបតែទិញថ្មីៗ ដឹកក្រុមគ្រួសារទៅកាន់កោះពេជ្រដើម្បីហូបអីជុំគ្នា ។

ករណីនេះកើតឡើងនៅវេលាម៉ោង៤រសៀល ថ្ងៃសុក្រ ១១កើត ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៥ ខែឧសភា ឆ្នាំ២០១៨ ស្ថិតនៅចំណុចផ្លូវ៦០ម៉ែត្រ កែងផ្លូវ៥០ម៉ែត្រ ព្រំប្រទល់សង្កាត់ជើងឯក ខណ្ឌដង្កោ និងក្រុងតាខ្មៅ ខេត្តកណ្តាល ។

សាក្សីនិយាយថា ករណីនេះបង្កឡើងដោយរថយន្តម៉ាកហ៊ីយ៉ាន់ដាយ ល្បឿនលឿនជ្រុលទៅបុករថយន្តរងគ្រោះដែលមានមនុស្សទាំងអស់៧នាក់ រងរបួសធ្ងន់ និងស្រាល ហើយស្លាប់ម្នាក់ ។ ក្រោយកើតហេតុ អ្នកបើករថយន្តបង្កបានរត់គេចខ្លួនបាត់ស្រមោល ៕ ជឹម ភារ៉ាដង្កោ