ភ្នំពេញ ៖ ឥទ្ធិពលពីជ្រលងសម្ពាធទាបបានធ្វើឲ្យអាកាសធាតុនៅតាមបណ្តារាជធានី-ខេត្ត ចាប់ពីថ្ងៃនេះដល់ថ្ងៃទី៣១ ខែឧសភា ឆ្នាំ២០១៨ នឹងអាចមានភ្លៀង ផ្គរ រន្ទះ ជាមួយនិង ខ្យល់កន្ត្រាក់ ។ នេះបើតាមការជូនដំណឹងពីក្រសួង​ធនធានទឹក និងឧតុនិយម នៅថ្ងៃទី២៨ ខែឧសភា ឆ្នាំ២០១៨នេះ ។

សេចក្តីជូនដំណឹងបានបញ្ជាក់ថា រាជធានី-ខេត្តដែលនឹងអាចមានភ្លៀង ផ្គរ រន្ទះ លាយនិង ខ្យល់កន្ត្រាក់រួមមាន ៖

១-តំបន់វាលទំនាប ៖ សីតុណ្ហភាពអប្បបរមាពី24 -26⁰C និងអតិបរមាពី34 – 36⁰C ផ្ទៃ​មេឃមាន​ពពកពីមធ្យមទៅច្រើន ខ្យល់បក់មកពីទិសអគ្នេយ៍ មានល្បឿនពី2- 4m/s នឹង​អាចមានភ្លៀង ផ្គរ រន្ទះ ជាមួយ និងខ្យល់កន្ត្រាក់ នៅរាជធានីភ្នំពេញ  ខេត្តកណ្ដាល តាកែវ​កំពង់ស្ពឺ ប៉ៃលិន ពោធិ៍សាត់ បាត់ដំបង កំពង់ឆ្នាំង កំពង់ធំ  ព្រៃវែង  ស្វាយរៀង បន្ទាយមាន​ជ័យ ខេត្តឧត្តរមានជ័យ ។

២-តំបន់ខ្ពង់រាប ៖ សីតុណ្ហភាពអប្បបរមាពី24  – 26⁰C  និងអតិបរមាពី34  –  36⁰C ផ្ទៃមេឃ​មាន​ពពកពីមធ្យម​ទៅច្រើន ខ្យល់បក់មកពីទិសអគ្នេយ៍មានល្បឿន 3 -5m/s   នឹងអាចមាន ភ្លៀង ផ្គរ រន្ទះ ជាមួយ និងខ្យល់កន្ត្រាក់នៅផ្នែកខ្លះនៃខេត្ត ស្ទឹងត្រែង រតនគិរី ត្បូងឃ្មុំ កំពង់ចាម ព្រះវិហារ និងខេត្តមណ្ឌលគិរី ។

៣-តំបន់មាត់សមុទ្រ ៖ សីតុណ្ហភាពអប្បបរមាពី23 – 25⁰C​  និងអតិបរមាពី33 – 35⁰C ផ្ទៃ​មេឃ​​មានពពកពីមធ្យមទៅច្រើន ខ្យល់បក់មកពីទិសនិរតីមានល្បឿនពី 3-5m/s ​​នឹង​អាចមានភ្លៀង ផ្គរ រន្ទះ ជាមួយនិងខ្យល់កន្ត្រាក់នៅខេត្ត ព្រះសីហនុ កំពត កែប និងខេត្ត​​កោះកុង  រលកសមុទ្រអាចមានកំពស់ពី0.50m -​1.00m ។

សេចក្តីជូនដំណឹងបានបញ្ជាក់បន្ថែមទៀតថា ការព្យាករណ៍​អាកាស​ធាតុចាប់ពីថ្ងៃទី២៩-៣១ ខែឧសភា​ ឆ្នាំ២៊០១៨ ៕ នគរដ្រេហ្គន