ភ្នំពេញ៖ ចោរស្រីម្នាក់ត្រូវកម្លាំងនគរបាលប៉ុស្តិ៍ផ្សារដេីមគឃាត់ខ្លួន ខណៈដែលជនរងគ្រោះចូលទៅមេីលគុននៅរោងចេនឡា ហេីយជនសង្ស័យបានធ្វេីសកម្មភាពលូកយកទូរស័ព្ទក្នុងកាបូបបានសម្រេចហេីយ តែជនរងគ្រោះដឹងទាន់ស្រែកឆោឡោ ថាបាត់ទូរស័ព្ទ ហេីយសន្តិសុខ ឆែកកាម៉េរ៉ាសុវត្ថិភាព បានដឹងថាជនសង្ស័យនេះជាអ្នកលួច ក៏ធ្វើការឃាត់ខ្លួនតែម្តង ។

ករណីខាងលេីនេះ បានកេីតឡេីងកាលពីវេលាម៉ោង១៣ និង៤៥នាទី ថ្ងៃទី១៣ ខែវិច្ឆិកា ឆ្នាំ២០១៥ នៅចំណុចរោងភាពយន្តចេនឡា ផ្លូវម៉ៅសេទុង ក្រុមទី៥ ភូមិ៣ សង្កាត់ផ្សារដើមគ ខណ្ឌទួលគោក រាជធានីភ្នំពេញ ។

ជនសង្ស័យ ឈ្មោះ អេង ស្រីលាវ ភេទស្រី អាយុ ២៨ឆ្នាំ ជនជាតិខ្មែរ មុខរបរពុំពិតប្រាកដ ស្នាក់នៅផ្ទះជួលប្លុករោងចក្រឆ្នាំង សង្កាត់បឹងកក់ទី២ ខណ្ឌទួលគោក ។ ជនរងគ្រោះឈ្មោះ ឯក ដាវីន ភេទស្រី អាយុ២០ឆ្នាំ ជនជាតិខ្មែរ មុខរបរ លក់ដូរ ស្នាក់នៅផ្ទះ លេខ១៧បេ ផ្លូវ៥អា ភូមិម័ល សង្កាត់ដង្កោ ខណ្ឌដង្កោ ។ វត្ថុតាងចាប់យក ៖ទូរស័ព្ទ មួយគ្រឿងម៉ាក I Phone 6 plus ពណ៌ស ( បានប្រគល់ ឱ្យជនរងគ្រោះវិញ ) ។

តាមប្រភពព័ត៍មានពីមន្រ្តីនគរបាលខណ្ឌទួលគោក បានឲ្យដឹងថា នៅមុនពេលកើតហេតុ ជនរងគ្រោះបានចូលទិញសំបុត្រទស្សនាខ្សែភាពយន្ត ពេលនោះជនសង្ស័យ និងបក្ខពួកបានមកពិតជនរងគ្រោះ ហើយលូកកាបូបលួចយកទូរស័ព្ទ ភ្លាមនោះជនរងគ្រោះបានឆោឡោ បាត់ទូរស័ព្ទបានឱ្យសន្តិសុខ ឆែកកាម៉េរ៉ាសុវត្ថិភាព បានដឹងថាជនសង្ស័យជាអ្នកលួច ក៏ធ្វើការឃាត់ខ្លួនតែម្តង ។

បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាល ខណ្ឌទួលគោក ដើម្បីកសាងសំណុំរឿងបញ្ជូនទៅតុលាការ ចាត់ការតាមផ្លូវច្បាប់ ៕

ដោយ៖ ស ដារ៉ា