ភ្នំពេញ ៖ នៅរសៀលថ្ងៃទី៣ ខែមិថុនាឆ្នាំ២០១៨នេះ មានករណីរថយន្តទំនើបពីរគ្រឿង រវាងឡិចស៊ីស និងម៉ាសស្តាបានបុកគ្នាពេលមានភ្លៀងធ្លាក់រលឹមស្រិចៗ នៅលើ បណ្តោយផ្លូវ៦០ម៉ែត្រ ភូមិអន្លង់គងចាស់ សង្កាត់ព្រៃស ខណ្ឌដង្កោ រាជធានីភ្នំពេញ ។
នៅកន្លែងកើតហេតុ រថយន្តទាំងពីរគ្រឿងបានរងការខូចខាតធ្ងន់ធ្ងរ និងមានមនុស្សរបួសទាំងសងខាងហើយត្រូវបាន ដឹកសង្គ្រោះទៅកាន់មន្ទីរពេទ្យ ។
ក្រោយកើតហេតុម្ចាស់រថយន្តបានជជែកគ្នាយ៉ាងតឹងសរសៃក តែលទ្ធផលមិនអាចសម្របសម្រួលគ្នាបានឡើយ ដោយនាំយករថយន្តទាំង២គ្រឿងមករក្សាទុកនៅការិយា ល័យចរាចរណ៍ក្រុង រង់ចាំការដោះស្រាយតាមច្បាប់ ៕ ភារ៉ា
...
