ភ្នំពេញ ៖ រថយន្ត១គ្រឿងត្រូវបានខូចខាតដោយសារតែបង្គោភ្លើងមួយដើមដួលមកចំពីលើនិងបាក់ដើម​ឈើផងដែរខណៈភ្លៀងកំពុងជោកជាំចំកណ្តាលក្រុងភ្នំពេញ កាលពីវេលាម៉ោង១និង២០នាទីរសៀលថ្ងៃទី៧ ខែមិថុនា ឆ្នាំ២០១៨ នៅតាមបណ្តោយផ្លូវព្រះមុនីវង្ស សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។

ករណីនេះអ្នកធ្វើដំណើរបានភ្ញាក់ផ្អើល មុនដំបូងស្មានតែមានករណីរញ្ជួយដី តែក្រោយមកទើបហួសចិត្តមិននឹកស្មានថា ទឹកភ្លៀងមានឥទ្ធិផលរហូតដ៏បង្គោភ្លើងមួយដើមធ្លាក់ចំពីលើ រថយន្តមួយគ្រឿងរងការខូចខាត រួមនិងដើមឈើមួយដើមយ៉ាងនេះផងដែរ តែមិនបង្កគ្រោះថ្នាក់ដល់ជនរងគ្រោះនោះឡើយ៕

ក្រោយពេលកើតហេតុ សមត្ថកិច្ចបានចុះដល់ ចំណុចកើតហេតុហើយបានស្ទូចយកបង្គោភ្លើងដើម្បីយក​ចេញ​ពី រថយន្តមកដាក់នៅមកលើវិញដើម្បីចំណែកដើមឈើត្រូវបានអាជ្ញាធរធ្វើការកាត់យកចេញដើម្បីកុំអោយស្ទះចរាចរណ៍ផងដែរ ៕