គ្រឿងចក្រជាច្រើនគ្រឿងកាយរំលោភយកដីបឹងនៅឃុំស្អាងភ្នំ ត្រើយស្លា និងឃុំប្រាសាទត្រូវបាននគរបាលស្រុកស្អាងបង្រ្កាបជាបន្តបន្ទាប់

ចែករំលែក៖

កណ្តាល៖ សមត្ថកិច្ចនគរបាលស្រុកស្អាង សហការជា មួយនគរបាលប៉ុស្តិ៍រដ្ឋបាលស្អាងភ្នំ ត្រើយស្លា និងប៉ុស្តិ៍នគរបាលរដ្ឋបាលប្រាសាទ បានចុះធ្វើការបង្រ្កាបគ្រឿង ចក្រជាច្រើនគ្រឿងដែលកំពុងធ្វើសកម្មភាពកាយដីលើកជាទំនប់ហ៊ំព័ទ្ធរំលោភយកដីបឹងដែលជាសម្បត្តិសាធារ ណៈ ។ ប្រតិបត្តិការនេះធ្វើឡើងនៅថ្ងៃទី14 ខែ មិថុនា ឆ្នាំ 2018 ក្រោមការបញ្ជាដឹកនាំពីលោកឧត្តម សេនីយ៍ទោ អ៊ាវ ចំរើន ស្នងការននគរបាលខេត្តកណ្តាល ។

លោកវរសេនីយ៍ឯក សេង សុជាតិ អធិការនគរបាលស្រុកស្អាង បានអោយដឹងថា បន្ទាប់ពីទទួលបានបទបញ្ជារបស់ឯកឧត្តមស្នងការរួចមក លោកបានដឹកនាំកម្លាំងនគរបាលស្រុក សហការជាមួយនគរបាលប៉ុស្តិ៍រដ្ឋបាលស្អាងភ្នំ ត្រើយស្លា និងនគរបាលប៉ស្តិ៍រដ្ឋបាលប្រាសាទ ចុះទៅពិនិត្យនិងបង្រ្កាបទប់ស្កាត់គ្រឿងចក្រជាច្រើនគ្រឿង ដែលកំពុងធ្វើសកម្មភាពឈូសឆាយ លើកទំនប់ហ៊ំព័ទ្ធរំលោភយកដីបឹងធម្មជាតិ ដែលជាសម្បត្តិសាធារណៈ ។

លោកអធិការបានបញ្ជាក់ថា ចំពោះគ្រឿងចក្រទាំងអស់នោះពុំត្រូវបានរឹបអូសយកមកកាន់អធិការដ្ឋាននគរបាលស្រុកឡើយ ពោលគ្រាន់តចុះធ្វើកិច្ចសន្យាបញ្ឈប់សកម្ម ភាព នឹងតម្រូវអោយម្ចាស់ដកយកគ្រឿងចក្រទាំអស់ឡើងវិញ ។ ចំពោះករណីម្ចាស់គ្រឿងចក្រណានៅរឹងទទឹងមិនព្រមដក សមត្ថកិច្ចយើងនឹងធ្វើការបង្រ្កាបដកហូតយកទៅកាន់អធិការដ្ឋាននគរបាលស្រុក ដើម្បីកសាងសំណុំរឿងចាត់ការតាមច្បាប់ ។

លោក សេង សុជាតិ បានបញ្ជាក់ទៀតថា គ្រឿងចក្រដែលធ្វើសកម្មភាពឈូសឆាយ លើកជាទំនប់រំលោភយកដីបឹងនៅឃុំស្អាងភ្នំជាកម្មសិទ្ធរបស់លោកឧកញ៉ា កែវ ម៉ារ៉ាឌី ។ គ្រឿងចក្រកាយរំលោភយកដីបឹងនៅឃុំប្រាសាទ ជារបស់ឯកឧត្តម ហ៊ុយ ពិសិទ្ធ និងគ្រឿងចក្រដែលកំពុងកាយរំលោភយកដីបឹងនៅឃុំត្រើយស្លាជារបស់លោក ឈៀង ប៉ាក់សួគ៌ ។

ពលរដ្ឋនិយាយថា ម្ចាស់គ្រឿងចក្រសុទ្ធសឹងជាឯកឧត្តម និងឧកញ៉ា អីចឹងតាហ៍បានថ្លើមធំហ៊ានរំលោភយកដីបឹងធម្មជាតិដែលជាសម្បត្តិសាធារណៈយ៉ាងដូច្នេះ ៕ស្អាងជ័យ

...


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print