បុរសម្នាក់ស្លាប់ដោយសារចរន្តឧបករណ៍ឆក់ត្រី សង្ស័យភ្លាត់ស្នៀត

ចែករំលែក៖

ខេត្តកំពង់ចាម ៖ បុរសអ្នកនេសាទត្រីម្នាក់ ត្រូវបានប្រជាពលរដ្ឋប្រទះឃើញដេកស្លាប់ជាមួយឧបករណ៍ឆក់ ត្រី ត្រង់​ចំ​ណុចព្រែកតាកែ ឃុំល្វេ ស្រុកកោះសូទិន ខេត្តកំពង់ចាម កាលពីល្ងាចថ្ងៃសុក្រ ៣កើត ខែ​បឋម​សាឍ ឆ្នាំច សំរិទ្ធិស័ក ព.ស​២៥៦២ ត្រូវនឹងថ្ងៃទី១៥ ខែមិថុនា ឆ្នាំ២០១៨ ហើយ​បានរាយការណ៍ជូនមន្ត្រីប៉ុស្តិ៍នគរបាលរដ្ឋបាលល្វេចុះមកអន្តរាគន៍ ។

ប្រភពព័ត៌មានពីសមត្ថកិច្ចបានឲ្យដឹងថា ជនរងគ្រោះ (សព)ឈ្មោះសេក សន ភេទប្រុស អាយុ​៥៨ឆ្នាំជន​ជាតិ​ខ្មែរ នៅភូមិព្រែកតាកែ ឃុំល្វេ ស្រុកកោះសូទិន ខេត្តកំពង់ចាម ។ ជនរងគ្រោះបានស្លាប់ក្បែរឧបករណ៍ ត្រី ។

យោងតាមការចុះពិនិត្យកោសលវិច័យ ពីកម្លាំងជំនាញអធិការដ្ឋាននគរបាលស្រុកកោះ សូទិន សហការជាមួយកម្លាំងប៉ុស្តិ៍នគរបាលរដ្ឋបាលល្វេ បានបង្កើតគណៈកម្មការត្រួត ពិនិត្យសពបញ្ជាក់ពីស្ថានភាព​សព​ថា ផ្នែកក្បាល ពុំមានស្លាកស្នាមអ្វីទេ ,ផ្នែក ក ពុំ មាន ស្លាកល្នាមអ្វីទេ ,ផ្នែកដងខ្លួន មានស្លាកស្នាមខ្លោចនៅកំភួនដៃខាងស្តាំមួយកន្លែង និង​ស្លាកស្នាមខ្លោចនៅកដៃខាងឆ្វេង១កន្លែង ។ ដូច្នេះជំនាញសន្និដ្ឋានបានថា ជនរងគ្រោះ​ស្លា​ប់ដោយចរន្តឆក់ (ឧបករណ៍ឆក់ត្រី) ។

ក្រោយការពិនិត្យចប់សព្វគ្រប់ សពបានប្រគល់ជូនក្រុមគ្រួសារយកទៅធ្វើបុណ្យតាម​ប្រពៃណី៕ វណ្ណៈ

...


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print