សៀមរាប ៖ (ករណីទី១)នៅវេលាម៉ោង១៣និង៥០ នាទី ថ្ងៃទី១៧ ខែមិថុនា ឆ្នាំ២០១៨ មានករណីគ្រោះថ្នាក់ចរាចរណ៍ ស្ថិតនៅចំណុចខាងលិចស្ពានកក់ឆ្មា លើ កំណាត់ផ្លូវជាតិលេខ៦ ស្ថិតក្នុងភូមិ ត្រពាំងច្រាំង ឃុំក្រឡាញ់ ស្រុកក្រឡាញ់ ខេត្តសៀមរាប  រថយន្តម៉ាក Rayno ពណ៍ស ពាក់ស្លាកលេខ ភ្នំពេញ   ៣C-៥២៩៩ ប្រភេទភ្លៅ២  បើកបរដោយឈ្មោះ កែវ សារ៉ាវី ភេទប្រុស អាយុ ២០ឆ្នាំ ជារថយន្តឯកជនដឹកជ្រូករបស់ក្រុមហ៊ុន CP បានដឹកចេញពីជើងភ្នំគូលែន) ឆ្ពោះទៅខេត្តបន្ទាយមានជ័យ តាមផ្លូវជាតិលេខ៦ ពេលដល់កន្លែងកើតហេតុរថយន្តរបស់ខ្លួនបានដាច់រ៉ូទីល  រ៉េចង្កូចទៅខាងស្តាំដៃ បានទៅបុកប៉ះបង្កាន់ដៃស្ពាន  ធ្វើឲ្យរថយន្តត្រលប់ ទៅស្នាមភ្លោះខាងត្បូងផ្លូវជាតិ ដោយផ្ទុកជ្រូកនៅលើរថយន្តចំនួន៥៣ក្បាល បានងាប់អស់ចំនួន៤ក្បាល  ។ ចំពោះបញ្ហាធ្វើឲ្យប៉ះពាល់ខូចខាតសម្បត្តិសាធារណៈ ក្រុមហ៊ុនក៏ត្រូវចេញមុខធ្វើការដោះស្រាយជាមួយសមត្ថកិច្ច ផងដែរ ។