រថយន្តធុនធំបើកបុកបង្គោលភ្លើដែលនៅកណ្តាលផ្លូវណ៊តប្រីត

ចែករំលែក៖

ភ្នំពេញ ៖ រថយន្តធុនធំមួយគ្រឿងបានបើកទៅបុកបង្គោល​ភ្លើង​ធំដែលបន្សល់ទុកចោលនៅលើផ្លូវ​ ដែលខាងអគ្គីសនីកម្ពុជាមិនទាន់ដកចេញ ។ ហេតុការណ៍នេះបានកើតឡើងកាលពីម៉ោងជិត៤ទាបភ្លឺ ឈានចូលថ្ងៃទី១៣ ខែកក្កដា​ ឆ្នាំ២០១៨នេះ ស្ថិតនៅតាមផ្លូវណ៊តប្រីត ក្នុងសង្កាត់អូរបែកក្អម ខណ្ឌសែនសុខ ។

យោងតាមឯកសារដែលជ្រុះពីលើរថយន្តនោះគឺ រថយន្តធុនធំសណ្ដោងរឺម៉ក ពាក់ស្លាកលេខភ្នំពេញ 3C-7071 ជារបស់ក្រុមហ៊ុនដឹកជញ្ជូន PH PLUS LOGISTICS Co.,Ltd ដែលបើកបរដោយឈ្មោះ​ យ៉ន ភេទប្រុស បានគេចខ្លួនបាត់ពីកន្លែងកើតហេតុ។

ប្រភពពត៌មាន​នៅកន្លែងកើតហេតុបានប្រាប់ឲ្យដឹងថា នៅមុនពេលកើតហេតុ គេឃើញរថយន្តធុនធំមួយគ្រឿងដែលសណ្ដោងកន្ទុយរឺម៉ក ពណ៌ខៀវ ពាក់ស្លាក លេខភ្នំពេញ 3C-7071 បើកតាមផ្លូវណ៊តប្រីត ក្នុងទិសដៅពីជើងទៅត្បូង តែដោយសារតែស្ថានភាពផ្លូងងឹតផង មេឃកំពុងភ្លៀងផង និងរថយន្តបើកបរក្នុងល្បឿនលឿន ក៏ជ្រុលទៅបុកបង្គោលភ្លើងដែលនៅកណ្តាលផ្លូវពេញទំហឹងបណ្ដាលឲ្យ​រថយន្តបែកកញ្ចក់ជ្រុះធ្លាក់មកពេញផ្លូវ និងរងការខូចខាតខ្ទេចផ្នែកខាងមុខស្ទើតែទាំងស្រុង តែសំណាងល្អតៃកុងរងរបួសបន្តិចបន្តួច ។ ក្រោយកើតហេតុដោយឃើញសភាពមិនស្រួល បុរសដែលជាអ្នកបើកបររថយន្ត បានគេចខ្លួនបាត់ពីកន្លែងកើតហេតុ ។

បន្ទាប់ពីកើតហេតុសមត្ថកិច្ចមូលដ្ឋាន បានចុះមកដល់ ហើយរាយការណ៍ទៅសមត្ថកិច្ចជំនាញផ្នែកចរាចរ ចុះមកវ៉ាស់វែង រួចយករថយន្តបង្កទៅរក្សាទុក នៅ​ការិយាល័យចរាចរផ្លូវគោក នៃស្នងការនគរបាលរាជធានីភ្នំពេញ រងចាំភាគីម្ចាស់ក្រុមហ៊ុនចូលខ្លួនទៅដោះស្រាយនាពេលក្រោយ។

សូមបញ្ជាក់ថា​​ កាលពីថ្ងៃទី៣០ ខែ​មេសា​​​ ២០១៨ មានមន្ត្រី​អាជ្ញាធរ​អគ្គិសនី​ អ្នក​​បច្ចេកទេស​មួយ​ក្រុម​​​បាន​ចុះ​ត្រួតពិនិត្យ​ដល់​ទីតាំង​កាលពី ដើម្បី​ឈាន​ទៅ​ធ្វើ​ការ​អនុវត្ត និង​រុះ​រើ​​​បង្គោល​ភ្លើង​នៅ​​ដើម​ខែ​ឧសភា​ ២០១៨នេះ ខណៈ​បណ្ដាញ​អគ្គិសនី​ ដែល​គ្រោង​​រុះរើ​នោះ​ គឺជា​បណ្ដាញ​តង់ស្យុង​ខ្ពស់ ១១៥​គីឡូវ៉ុល​ ដូច្នេះ​អាច​រង​ផល​ប៉ះពាល់​ដល់​​ការ​ផ្គត់​ផ្គង់​អគ្គិសនី​​​នៅ​តាម​បណ្ដា​ខណ្ឌ​មួយ​ចំនួន​ក្នុង​រាជធានី​ភ្នំពេញ។ ទោះជា​យ៉ាង​ណា​អ្នក​បច្ចេកទេស​កំពុង​សិក្សា​រក​ប្រភព​អគ្គិសនី​ជំនួស​​តំបន់​ដែល​​ត្រូវ​បាន​​កាត់​ផ្ដាច់ ព្រោះ​ការ​រុះរើ​បង្គោលបានខ្លះនៅខ្លះប៉ុណ្ណោះ៕ជ្រោយពេជ្រ

 


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print