លោក លឹម គានហោ ប្រគល់ផ្ទះជូនអតីតយុទ្ធជនកម្ពុជា នៅស្រុកពញាឮ

ចែករំលែក៖

ខេត្តកណ្តាល ៖ លោក លឹម គានហោ អនុប្រធានក្រុមការងារថ្នាក់ជាតិចុះជួយខេត្តកណ្តាល និងជាប្រធានគណៈពង្រឹងស្រុកពញាឮ និងលោកស្រី នៅរសៀល

ថ្ងៃព្រហស្បតិ៍ ៧កើត ខែទុតិយាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៩ ខែកក្កដា ឆ្នាំ២០១៨នេះ បានចុះទៅប្រគល់ផ្ទះជូនអតីតយុទ្ធជនកម្ពុជាចំនួន៤ខ្នង ក្នុងចំណោម១០ខ្នង ដែលកំពុងសាងសង់។

សូមបញ្ជាក់ថា ផ្ទះចំនួន១០ខ្នង ដែលជាអំណោយរបស់សមាគមអតីតយុទ្ធជនកម្ពុជា ត្រូវបានធ្វើជូនបងប្អូនអតីតយុទ្ធជនកម្ពុជាស្រុកពញាឮ ខេត្តកណ្តាល ដោយជួយឧបត្ថម្ភចំនួន៤០០ដុល្លារ និងផ្តល់ឈើសម្រាប់សាងសង់ ។ ប៉ុន្តែលោក លឹម គានហោ ក៏បានជួយបន្ថែមចំនួន៧៣១ដុល្លារទៀត ដោយសារការសាងសង់ផ្ទះទាំងមូលត្រូវចំណាយអស់សរុប១១៣១ដុល្លារ។

ផ្ទះចំនួន១០ខ្នងនេះ មាន៤ខ្នងត្រូវបានសាងសង់រួចរាល់ ហើយលោក លឹម គានហោ ក៏បានប្រគល់ជូនបងប្អូនអតីតយុទ្ធជនកម្ពុជា ខណៈ៤ខ្នងទៀតបានសាងសង់រួចរាល់៩០ភាគរយ ។ រីឯ២ខ្នងទៀត បានសាងសង់រួចប្រមាណ៣០ភាគរយ ហើយនឹងប្រគល់ជូននៅពេលសង់រួច។

ជាមួយគ្នានេះ លោកក៏បានណែនាំឲ្យមន្រ្តី បន្ត ស្រាវជ្រាវស្វែងរកបងប្អូនអតីតយុទ្ធជនផ្សេងទៀត ​ដែលបានជួបការខ្វះខាតសម្រាប់ជីវភាពប្រចាំថ្ងៃ។

សម្រាប់បងប្អូនអតីតយុទ្ធជនកម្ពុជាស្រុកពញាឮ ខេត្តកណ្តាល បានប្រកាសពីការប្តេជ្ញាចិត្តទៅបោះឆ្នោត ជូនគណបក្សប្រជាជនកម្ពុជា ដើម្បីឲ្យសម្តេចតេជោ ហ៊ុន សែន ធ្វើជានាយករដ្ឋមន្រ្តី ដើម្បីរក្សាបាននូវសន្តិភាព​ និងការអភិវឌ្ឍកាន់តែរុងរឿង ៕

...


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print