ក្រុម​ចោរ​មួយ​ក្រុម​ជិះដេញតាមវាយប្លន់ម៉ូតូពីយុវជន២នាក់បានសម្រេចនៅខណ្ឌទួលគោក

ចែករំលែក៖

ភ្នំពេញ: យុវជន​២​នាក់​ជិះ​ម៉ូតូ​ឌ្រីម​ស៊េរី០១៨ មួយ​គ្រឿង​ចេញ​ពី​ខារ៉ាអូខេ​ គោលបំណង​ទៅ​ផឹក​បន្ត​នៅ​កោះពេជ្រ​ ខណ:​មក​ចំណុចកើតហេតុត្រូវ​ក្រុម​ចោរ​មួយ​ក្រុម​ជិះម៉ូតូដេញតាមធ្វើសកម្មភាព​វាយ​ប្លន់​យក​ម៉ូតូ​បាន​សម្រេច​បណ្តាល​ឲ្យ​ជន​រងគ្រោះ​រង​របួស​បែក​ក្បាល​។

ហេតុការណ៍​នេះបាន​កើត​ឡើង​កាល​ពី​ម៉ោង​ជាង៣ទៀប​ភ្លឺ​ ថ្ងៃ​ទី​២៣​ ខែកក្កដា​ ឆ្នាំ​២០១៨ ​តាមបណ្ដោយ​ផ្លូវលេខ​៦០៨​ក្បែរអតីតរង្វង់​មូល​ទួល​គោក​ ស្ថិត​ក្នុង​សង្កាត់​បឹងកក់​ទី​២​ ខណ្ឌ​ទួល​គោក រាជធានីភ្នំពេញ​។

ប្រភពពត៌មានបានឲ្យដឹងថា ជនរងគ្រោះ​ជាម្ចាស់​ម៉ូតូ​មាន​ឈ្មោះ​ ធឿន​ ប៊ុនធុល​ អាយុ​២៣ឆ្នាំ​ ជាជាងជួសជុលរថយន្ត​ ស្នាក់នៅ​ស្រុក​ស្អាង​ ខេត្ត​កណ្ដាល ចំណែកអ្នករួមដំណើរជាមួយមានឈ្មោះ​ ផុន​ ណារ៉ូ​ អាយុ​២៥ឆ្នាំ​ ជា​កម្មករ​រោង​ចក្រ​ ស្នាក់នៅ​សង្កាត់​ភ្នំពេញថ្មី​ ខណ្ឌ​សែនសុខ​។

​ប្រភព​ពត៌មាន​ពី​ជន​រងគ្រោះ​ទាំង២នាក់​បាន​ឲ្យ​ដឹង​ថា​ ​មុន​ពេលកើតហេតុ ខ្លួនទាំង២នាក់​ទើប​តែ​ចេញ​មក​ពី​ច្រៀង​ខារ៉ាអូខេ​នៅ​ម្ដុំ​ភ្នំពេញ​ថ្មី​ គោលបំណង​ទៅ​ផឹក​ជា​មួយ​និង​សង្សារ​បន្ត​ទៀត​នៅម្តុំ​កោះពេជ្រ​។ ដោយ​ជិះ​ម៉ូតូ​មួយ​គ្រឿង​ម៉ាក​ ហុង​ដា​ឌ្រីម​ ស៊េរី​០១៨​ ពណ៌​ខ្មៅ​ ពាក់​ស្លាក​លេខ​ កំពង់ចាម​ 1F-4596 តាមបណ្ដោយ​ផ្លូវ​លេខ៦០៨ ក្នុងទិសដៅ​ចុះមកពី​ទំនប់​ត្រឡោក​បែក​ឆ្ពោះ​ទៅ​អតីត​រង្វង់​ទួលគោក​។

ខណៈមកដល់​ចំណុច​កើត​ហេតុ​ស្រាប់តែ​លេច​មុខ​ជន​សង្ស័យ​មួយ​ក្រុម​ប្រដាប់​ដោយ​ខ្សែ​ក្រវ៉ាត់​ជិះ​ម៉ូតូ​៥ ទៅ៦​គ្រឿង​ មកពីក្រោយ​ធ្វើ​សកម្មភាព​វាយ​ប្លន់​ខ្លួនជា​ម្ចាស់​ម៉ូតូ​ចំ​សៀត​ផ្កា​ខាង​ឆ្វេង​បណ្តាល​បែកឈាម​ ហើយ​ក៏​ដួល​ម៉ូតូ​។ ភ្លាម​ៗ​នោះ​ក្រុម​ជន​សង្ស័យ​ឃើញ​ឪកាស​ល្អ​ក៏​លើក​ម៉ូតូ​របស់​ជន​រងគ្រោះ​ជិះ​រត់​គេច​ខ្លួន​បាត់​ស្រមោល​​ ភ្លាម​នោះ​ដែល​ជនរងគ្រោះ​ក៏​បាន​ស្រែក​ចោរៗឲ្យ​គេ​ឯង​ដែល​នៅ​ក្បែរ​នោះ​ជួយ តែ​គ្មាននរណាម្នាក់​ជួយ​នោះ​ទេ​។

បន្ទាប់ពី​កើត​ហេតុ​ជន​រងគ្រោះ​បាន​ត្រឹម​តែ​កាន់​កាត​គ្រី​ទៅ​ដាក់​ពាក្យ​បណ្ដឹង​នៅ​ប៉ុស្តិ៍​នគរបាល​រដ្ឋ​បាល​បឹង​កក់​ទី​២ ដើម្បីឲ្យដមត្ថកិច្ចជួយធ្វើកំណត់ហេតុ ជួយស្វែងរកឃាត់ក្រុមជនសង្ស័យយ​កមកផ្តន្ទាទោសទៅតាមច្បាប់៕ជ្រោយពេជ្រ

...


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print