ភ្នំពេញ៖ អគ្គិភ័យមួយបានឆាឆេះគំនរឈើក្នុងបន្ទប់សណ្ធាគារហូលីវូធបង្កការភ្ញាក់ផ្អើលដល់ប្រជាពលរដ្ឋ និងសមត្ថកិច្ចទាំងយប់ ខណៈ ដែលជាងផ្សារដែកបានជួសជុលដំបូលអគារហើយធ្លាក់កម្ទេចដែកលើគំនរឈើបង្កជាអណ្ដាតភ្លើងឆាបឆេះបណ្តាលអោយមានការ ភ្ញាក់ផ្អើលដល់សមត្ថកិច្ចក៏ដូចជាប្រជាពលរដ្ឋនាំគ្នាជួយ ហៅរថយន្ដពន្លត់អគ្គីភ័យចេញមកអន្តរាគមន៍ និងនាំគ្នាយកបំពង់មកបាញ់ពន្លលត់ម្នាក់មួយដៃម្នាក់មួយជើងទើបរលត់។
ហេតុការណ៍បង្កអោយមានការភ្ញាក់ផ្អើលនេះបានកើតឡើងកាលពីវេលាម៉ោង ២១និងេ១៥នាទី ថ្ងៃទី១៩ ខែវិច្ឆិកា ឆ្នាំ២០១៥ តាមបណ្ដោយផ្លូវលេខ៤៧ នៅចំណុច សណ្ធាគារនិងខារាអូខេហូលីវូធ ជាប់និងរបងមុន្ទីរពេទ្យ ព្រះកេតុមាលា ស្ថិតក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។
ប្រភពព័ត៌មានពីកន្លែងកើតហេតុបានអោយដឹងថា នៅមុនពេលកើតហេតុគេបានឃើញមានផ្សែងហុយចេញពីបន្ទប់លេខ៣១២និងអមដោយអណ្ដាតភ្លើងបង្កអោយមានការភ្ញាក់ផ្អើលដលកម្មករនិងសន្ដិសុខយកបំពង់បន្លត់អគ្គីភ័យ និងយកទឹកជះបន្លត់និងរាយការណ៍ប្រាប់សមត្ថកិច្ចហៅរថយន្ដពន្លត់អគ្គីភ័យចេញមកជួយអន្តរាគមន៍។
ប្រភពដដែលបានបន្តថារថយន្ដពន្លត់អគ្គីភ័យរបស់អគ្គស្នងការនគរបាលជាតិចំនួនបីគ្រឿងបានទៅដល់កន្លែងកើតហេតុ តែមិនបានធ្វើការបាញ់ពន្លត់នោះទេ ព្រោះក្រុមកម្មករនិងសន្តិសុខបានយកទឹកនិងបំពង់បន្លត់អគ្គីបាញ់ពន្លត់អស់ចំនួន០៩បំពង់ទើបរលត់ទៅវិញតែម្ដង។
សមត្ថកិច្ចបានបញ្ជាក់ប្រាប់ថា ក្នុងហេតុការណ៍គ្រោះអគ្គីភ័យខាងលើពុំបង្កអោយមានការឆ្លងរាលដាល់លំនៅដ្ឋានក៏ដូចជាផ្ទះប្រជាពលរដ្ឋដែលរសនៅក្បែរខាងនោះទេ ដោយសារមានការជួយអន្តរាគមន៍ទាន់ពេលវេលាពីក្រុមកម្មករ និងសន្តិសុខបានទាន់ពេលផងដែរ ៕
ដោយ៖ ចាន់ធឿន
