ប្រុសស្រី២នាក់ត្រូវបានគេប្រទះឃើញដេកដួលនៅក្នុងថ្លុកឈាមសង្ស័យរថយន្តបុករួចបើករត់គេចបាត់សម្រោល

ចែករំលែក៖

ភ្នំពេញ ៖ ប្រុសម្នាក់បានស្លាប់និងស្រីម្នាក់រងរបួសធ្ងន់ត្រូវបានគេប្រទះឃើញដេកដួលនៅក្នុងថ្លុកឈាម ​ សង្ស័យគ្រោះ​ថា្ន​ក់​ចរាចរណ៏ដោយរថយន្តបុករួចបើករត់គេចបាត់សម្រោល ។ ​នៅលើកំណាត់ផ្លូវព្រះសុធារស ស្ថិតមុខស្ថានទូតសូវៀត ស្ថិត​ក្នុង​ស​ង្កា​ត់​​ទ​ន្លេបា​សាក់ ខណ្ឌចំការមន ហេតុការណ៏ភា្ញក់ផ្អើល កាលពីវេលាម៉ោង២និង២០នាទីរំលងអាធ្រាត ឈានចូលថ្ងៃទី៨កក្តដាឆ្នាំ២០១៥ ​។
ប្រភពពត៌មានពីកន្លែងកើតហេតុឱ្យដឹងថា ជនរងគ្រោះប្រុសស្រីដែលជាមា្ចស់ម៉ូតូម៉ាក   ស្តេបទាំង២នាក់នោះ ពុំត្រូវបានគេសា្គល់អត្តសញ្ញាណទេ ។ ហើយបុរសរងគ្រោះដោយ​មានសារភាព​​របួ​ស​ធ្ង​ន់​ធ្ងរពេកដោយ ផុងលលាដ៍ក្បាល ត្រូវបានសា្លប់បាត់បង់ជីវិតរយៈពេល១ម៉ោងក្រោយមក ​បនា្ទប់ពីរថយន្តសាមុយដឹកបញ្ជូនចូលទៅដល់មន្ទីរពេទ្យកាលម៉ែត រីឯស្ត្រីដែលជាអ្នក​រួមដំណើរ​ជាមួយបាក់ជើង ។
​ប្រភពពត៌មានពីបុរសអ្នករត់ម៉ូតូឌុបមា្នក់អះអាងថាមុនពេលកើតហេតុបនា្ទប់ពី​ជនរងគ្រោះប្រុស​ស្រី​​២នាក់ខាងលើ ។ បានបើកបរម៉ូតូរបស់ខ្លួន​តាមបណ្តោយផ្លូវសុធារសពីត្បូងទៅជើង រួចបានវ៉ានិងម៉ូតូគាត់ទៅមុខមុនបាត់ លុះពេលដែលគាត់មកដល់មុខស្ថានទូត​សូ​វៀត​ ក៏​​ប្រទះឃើញ​អ្ន​ក​​ប្រុសស្រីទាំង​២នាក់នេះដេក​ដួលនៅក្នុងថ្លុកឈាមលើថ្នល់តែមង្ត ។
ក្រោយមកសមត្ថកិច្ចបានចុះមកត្រួតពិនិ្យហើយសន្និដ្ឋានថា ជនរងគ្រោះអាចត្រូវរថយន្តបុកចំពីមុខពេញទំហឹង ព្រោះកង់​ម៉ូតូផ្នែកខាងមុខរួញខ្ទេចជាប់និងម៉ាស៊ីន​។  ហើយបើ​មើ​​ល​​តាម​កន្លែងកើតហេតុ​​ ជន​រង​គ្រោះដេកដួលវិញគឺត្រូវរថយន្តបុកអូសជាង១០ម៉ែត្រ ទើបបណ្តាលឱ្យជនរងគ្រោះរបួសធ្ងន់ទាំងពីរនាក់​ ។ ដោយបុរសជាអ្នកបើកម៉ូតូ​ផុ​ង​លលាដ៍ក្បាល​ ចំណែកឯស្រ្តីដែលរួមដំណើរជាមួយបាក់ជើងឆ្វេង ។ ក្រោយ​​កើ​ត​ហេតុជនរងគ្រោះទាំង២នាក់ ត្រូវរថយន្តសាមុយ​គ្លីនិកឯកជន ដឹក​យកទៅសង្គ្រោះ​​នៅ​ម​ន្ទី​រ​ពេទ្យកាល់ម៉ែតទាំង២នាក់ តែជាអកុសលបុរសដែលជាអ្នកបើកម៉ូតូពេលទៅដល់ ម​ន្ទីរពេទ្យបាន១ម៉ោង​ក៏បានដាច់ខ្យល់ស្លាប់ ។ ចំណែកឯម៉ូតូជនរងគ្រោះត្រូវបានសមត្ថកិច្ចយក​ទៅរក្សាទុកបណ្តោះអាសន្ននៅប៉ុ​ស្តិ៍ទ​ន្លេ​បាសាក់រងចាំម្ចាស់ម៉ូតូមកទទួល ៕

image3

image4

t3

...

t4


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print