ភ្នំពេញ ៖ បុរសម្នាក់បានបោកក្បាលស្លាប់ក្នុងថ្លុកឈាមគួរឲ្យអាណោចអធម៌ បន្ទាប់ពីមានរថយន្តលុចស៊ីសមួយគ្រឿងមិនចាំស្លាកលេខ បានបើកវ៉ាជែងជ្រុលទៅបុកម៉ូតូឌ្រីមសង់ពីក្រោយពេញទំហឹង ហើយរថយន្តបង្កបានបើករត់គេចបាត់ស្រមោល។

ហេតុការណ៌គ្រោះថ្នាក់ដ៏ចរាចរន្ធត់នេះ បានកើតឡើងនៅវេលាម៉ោង១១​ និង១០នាទីយប់ ថ្ងៃព្រហស្បតិ៍ ៥កើត​ ខែស្រាពណ៍​ ឆ្នាំច​ សំរឹទ្ធ​ស័ក​ ពស ២៥៦២​ ត្រូវនឹងថ្ងៃទី១៦ ខែសីហា ឆ្នាំ២០១៨ ស្ថិតនៅតាមបណ្ដោយផ្លូវវេងស្រេង កែងនិងផ្លូវចូលដីថ្មី ក្នុងសង្កាត់ស្ទឹងមានជ័យ៣​ ខណ្ឌមានជ័យ ។

 ជនរងគ្រោះដែលស្លាប់ក្នុងករណីគ្រោះថ្នាក់ចរាចរណ៍ខាងលើ មានឈ្មោះ ណែម តុល ភេទប្រុស អាយុ២៣ឆ្នាំ មុខរបបជាងដែកក្នុងរោងចក្រដំបូលខៀវ នៅខណ្ឌពោធិ៍សែនជ័យ ស្នាក់នៅម្ដុំផ្សារដីថ្មី ខណ្ឌមានជ័យ និងមានស្រុកកំនើតនៅភូមិក្របៅ ឃុំក្របៅ ស្រុកកំចាយមាស ខេត្តព្រៃវែង ។

យោងតាមប្រភពពីកន្លែងកើតហេតុបានឲ្យដឹងថា មុនពេលកើតហេតុ គេឃើញបុរសម្នាក់បើកម៉ូតូឌ្រីមសង់០១៧ ព​ណ៌ខ្មៅ ​ពាក់ស្លាកលេខ ព្រៃវែង 1L- 5602 បានធ្វើដំណើរតមបណ្ដោយផ្លូវវេងស្រេង ទិសដៅពីកើតទៅលិច ខណះមកដល់ចំនុចកើតហេតុខាងលើបំរុងបត់ឆ្វេង ដោយឃើញរថយន្តកុងតឺន័រកបត់មកវិញ ស្រាប់តែមានរថយន្តលុចស៊ីសមិនចាំស្លាកលេខបើកពីលិចទៅកើតបានបើកវ៉ាជែងជ្រុលទៅម៉ូតូចំពីក្រោយពេញទំហឹង បណ្ដាលឲ្យបុរសម្នាក់នោះផ្លោងចេញពីម៉ូតូបោកក្បាលទៅនិងថ្នល់ ស្លាប់ក្មុងថ្លុកឈាមយ៉ាងអាណោចអធម៌ រីឯរថយន្តបង្កបានព្យាយាមបើករត់បាត់ស្រមោល។

ក្រោយកើតសមត្ថកិច្ចមូលដ្ឋានទាក់ទងជំនាញចុះវាស់វែងយកម៉ូតូជនរងគ្រោះទៅរក្សាទុករងចាំសាច់ញាតិយកឯកសារនិងប្រគល់ជូនឲ្យទៅវិញ។​ ចំណែកសពជនរងគ្រោះសមត្ថកិច្វប្រគល់អោយក្រុមគ្រួសារយកទៅស្រុកកំនើតធ្វើបុណ្យតាមប្រពៃណី ៕ដោយ៖ ភារ៉ា ដង្កោ