ឆេះរោងចក្រផលិតឆ័ត្រនៅខណ្ឌដង្កោ ផ្អើលដល់ពលរដ្ឋនិងអាជ្ញាធរ

ចែករំលែក៖

ភ្នំពេញ ៖ អគ្គីភ័យមួយបានឆាបឆេះរោងចក្រ (អុីយីង) ដែលជារោងចក្រផលិតឆ័ត្រ មួយកន្លែង ជាប់ផ្លូវជាតិលេខ២ ស្ថិតក្នុងភូមិក្រាំងស្វាយ សង្កាត់ព្រែកកំពឹស ខណ្ឌដង្កោ រាជធានីភ្នំពេញ ដោយបង្កការឲ្យមានភ្ញាក់ផ្អើលដល់ប្រជាពលរដ្ឋ និងអាជ្ញាធរមូលដ្ឋានចេញរថយន្តពន្លត់អគ្គីភ័យមកជួយអន្តរាគមន៍ភ្លាមៗ កាលពីវេលាម៉ោង៦ និង១០នាទីព្រលប់ ថ្ងៃអង្គារ ១០កើត ខែស្រាពណ៌ ឆ្នាំច សំរឹទ្ធស័ក្តិ ព.ស ២៥៦២ ត្រូវនឹងថ្ងៃទី២១ ខែសីហា ឆ្នាំ២០១៨ ។
      បើតាមសម្ដីកម្មកររោងចក្ររងគ្រោះខាង  លើ ដែលស្នាក់នៅក្បែរកន្លែងកើតហេតុ បានប្រាប់ឲ្យឹងថា មុនពេលកើតហេតុ នាវេលាម៉ោង ៦ល្ងាចថ្ងៃកើតហេតុ គឺកម្មករ កម្មការនីរោងចក្រខាងលើ បានបិតភ្លើង រៀបចំកន្លែងដូចសព្វដង និងបានចេញពីធ្វើការបាត់អស់ តែមិនដឹងយ៉ាងមិុច ស្រាប់តែរំលងបាន១០នាទីក្រោយមក ស្រាប់តែឃើញផ្សេងហ៊ុយឡើងខ្មៅមេឃចេញពីក្នុងរោងចក្រ ភ្លាមៗប្រជាពលរដ្ឋក៏បានរាយការណ៍ទៅសមត្ថកិច្ចឲ្យយករថយន្តពន្លត់អគ្គីភ័យមកជួយអន្តរាគមន៍បាញ់ពន្លត់ ។
      ​ក្នុងកិច្ចប្រតិបត្តិការណ៍ខាងលើនេះ គេសង្កេតឃើញមានវត្តមានលោក ព្រហ្ម យ៉ត ប្រធានការិយាល័យពន្លត់ និងបង្ការអគ្គីភ័យនៃរាជធានីភ្នំពេញ និងលោក ជឹម សុីថា អធិការនគរបាលខណ្ឌដង្កោ រួមជាមួយកងរាជអាវុធ ព្រមទាំងប្រជាការពារខណ្ឌ បងប្អូនប្រជាពលរដ្ឋ បានសហការគ្នាយ៉ាងញ៉ាប់ដៃ ញ៉ាប់ជើង ធ្វើការបាញ់ពន្លត់អស់ទឹកចំនួន០៤គ្រឿង ហើយអគ្គីភ័យខាងលើក៏បានរលត់១០០%ទៅវិញ នៅវេលាម៉ោង១៩ និង១០នាទីយប់ថ្ងៃដដែល ហើយក្នុងនោះ ក៏មានរថយន្តពន្លត់អគ្គីភ័យចំនួន១១គ្រឿង មកត្រៀមធ្វើការបាញ់ពន្លត់ផងដែរ ។
     សមត្ថកិច្ចបានបង្ហើបឲ្យដឹងថា ចំពោះទំហំនៃការខូចខាតគឺមិនទាន់ដឹងនៅឡើយទេ ព្រោះខាងរោងចក្ររងចាំក្រុមហ៊ុនធនាគាររ៉ាប់រងមកវាយតំលៃអំពីទំហំនៃការខូចខាត ដោយឡែកពាក់ព័ន្ធនៃមូលហេតុដែលបង្កឲ្យមានអគ្គីភ័យនេះ សមត្ថកិច្ចនិងប្រជាពលរដ្ឋបានត្រឹមតែសនិដ្ឋានថា បណ្ដាលមកពីឆ្លងចរន្តអគ្គីសនី ៕ ដោយ៖ ភារ៉ា ដង្កោ

ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print