ខេត្តកំពង់ស្ពឺ៖ មានការភ្ញាក់ផ្អើលមួយកើតឡើងបន្ទាប់ពីអ្នកភូមិប្រទះឃើញស្ត្រីចំណាស់ម្នាក់ដេកស្លាប់ក្នងវាលស្រែក្រោយភូមិបន្ទាប់ពីបាត់ពីផ្ទះមួយយប់ក្រោយយកគោទៅចងអោយស៊ីស្មៅ ។
ហេតុការណ៏នេះកើតឡើងនៅវេលាម៉ោង៦ និង១៦នាទីថ្ងៃ២៤ ខែវិច្ឆិកា ឆ្នាំ២០១៥នៅចំណុចភូមិនរាណ៏ ឃុំខ្ទុំក្រាំ ស្រុកសំរោងទង ខេត្តកំពង់ស្ពឺ ។ សពស្ត្រីរងគ្រោះត្រូវបានស្គាល់មានឈ្មោះ ទុច ញឹក ភេទស្រី អាយុ៧១ឆ្នាំរស់នៅភូមិឃុំកើតហេតុខាងលើ ។
ប្រភពពីក្រុមគ្រួសារសពបានឲ្យដឹងថា មុនពេលបាត់ខ្លួនគឺគាត់បានដឹកគោទៅចងអោយស៊ីស្មៅតាំងពីថ្ងៃទី២៣ ខែវិច្ឆិកាម្លេះ ហើយក៏បាត់ខ្លួនរហូតដល់អ្នកស្រុកប្រទះឃើញដេកស្លាប់ក្នុងវាលស្រែក្រោយភូមិបង្កការភ្ញាក់ផ្អើលនេះ ។
សពត្រូវបាននគរបាលបច្ចេកទេសធ្វើការត្រួតពិនិត្យទៅតាមជំនាញឃើញថាស្ត្រីរងគ្រោះត្រូវបានឃាត.កវាយនឹងវត្ថុរឹងត្រូវក្បាលចំនួន៣កន្លែងហើយជាន់ពន្លិចភក់ទៀតផង ។ ក្រោយពិនិត្យចប់សមត្ថកិច្ចបានប្រគល់អោយក្រុមគ្រួសារទទួលរៀបចំធ្វើបុណ្យតាមប្រពៃណី ៕
ដោយ៖ សេនាស័ក្តិ
