រថយន្តដឹកកម្មករជ្រុលចង្កូតបុកផ្ទះជុសជុលម៉ូតូនិងធ្លាយជញ្ជាំងរបងមុខ ផ្ទះសាខា គ្រឹះស្ថានមីក្រូហិរញ្ញវត្ថុហត្ថាកសិករសំណាងមនុស្សលើរថយន្តមិនមានគ្រោះថ្នាក់

ចែករំលែក៖

ខេត្តស្វាយរៀងះយ៉ាងហោចណាស់កម្មករកម្មការិនប្រមាណ១០០នាក់ដែលជិះក្នុងរថយន្តបានស្រែកផ្អើលប្រលឹងចុងសក់គ្រប់ៗគ្នាខណះដែលរថយន្តជ្រុលចង្កូតទៅបុកផ្ទះជាងជុសជុលម៉ូតូពេញទំហឹងនិងធ្លាយជញ្ជាំងរបងមុខ ផ្ទះសាខា
គ្រឹះស្ថានមីក្រូហិរញ្ញវត្ថុ ហត្ថាកសិករសំណាងមិនមានអ្នកណាម្នាក់រងគ្រោះថ្នាក់។
ហេតុការណ៏នេះបានកើតឡើងកាលពីវេលាម៉ោងប្រមាណ៦ល្ងាវថ្ងៃទី៧ខែកញ្ញាឆ្នាំ២០១៨
 នៅចំណុចរង្វង់មូលក្រពើ ភូមិស្វាយអាណាត ឃុំញរស្រុកកំពង់រោទ៏ខេត្តស្វាយរៀង។
បើតាមកងរាជអាវុធហត្ថស្រុកបានអោយកាសែតនគរវត្តដឹងថាពិតជាមានករណីនេះមែនដោយម្ចាស់រថយន្តបង្កមានឈ្មោះ ឆាយ សារុំ (ហៅម៉ាប់) អាយុ 33ឆ្នាំ ទីលំនៅភូមិព្រៃវល្លិ៍ ឃុំថ្មីស្រុកកំពង់រោទ៏ក្រោយកើតហេតុបានរត់គេចខ្លួនភ្លាមៗចំណែកកម្មកកម្មការិនីដែលជិះលើរថយន្តប្រមាណ១០០នាក់មិនមានរងគ្រោះថ្នាក់អ្វីនោះទេគ្រាន់តែលោះប្រលឹងភ័យនិងតក់ស្លត់ប៉ុណ្ណោះ។
ចំពោះម្ចាស់ផ្ទះដែលរងគ្រោះមានផ្ទះឈ្មោះ រ័ត្ន សុខា អាយុប្រមាណ៣០ឆ្នាំមុខរបរជាងជុសជុកម៉ូតូមានទីលំនៅក្នុងភូមិឃុំកើតហេតុខាងលើ។
ចំពោះទ្រព្សសម្បត្តិខូចខាតរួមមានធ្លាយជញ្ជាំងផ្ទះខាងមុខ បែកទូដាក់សម្ភារះខាងមុខ និងខូចខាតសម្ភារមួយចំនួនទៀត មិនតែប៉ុណ្ណោះធ្លាយជញ្ជាំងរបងមុខ ផ្ទះសាខា
គ្រឹះស្ថានមីក្រូហិរញ្ញវត្ថុ ហត្ថាកសិករផងដែរ។
 តាមសាក្សីបានអោយដឹងថាមុនកើតហេតុមានរថយន្តដឹកកម្មករ ម៉ាកហីយ៉ាន់ដាយ ពាក់ស្លាកលេខ ស្វាយរៀង 3A.1467 ដោយមានផ្ទុកកម្មករប្រមាណ ១០០នាក់ ក្នុងទិសដៅពីជើង ទៅត្បូង ខណះនោះស្រាប់តែឃើញរថយន្តបើកជ្រុលចង្កូតទៅបុកចូលផ្ទះជាងម៉ូតូ  និងធ្លាយជញ្ជាំងរបងមុខ ផ្ទះសាខា
គ្រឹះស្ថានមីក្រូហិរញ្ញវត្ថុ ហត្ថាកសិករទើបបង្កការភ្ញាក់ផ្អើលតែម្ដង។
ចំណែករថយន្តខូចខាតផ្នែកខាងមុខ រីឯកម្មករកម្មការិនីពុំមានគ្រោះថ្នាក់អ្វីទេ បច្ចុប្បន្នរថយន្តសមត្ថកិច្ចបានយកមករក្សាទុកនៅប៉ុស្តិ៍នគរបាលរដ្ឋបាលញរ ដើម្បីចាត់ការបន្តតាមច្បាប់
សមត្ថកិច្ចបានបញ្ជាក់ថាមូលហេតុមកពី អ្នកបើកបររថយន្តបើកការខ្វះការប្រុងប្រយ័ត្ន ៕


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print