កំពង់ធំ៖ បុរសម្នាក់ចងកសម្លាប់ខ្លួនឯងនៅ យប់ថ្ងៃទី០១ ខែតុលា ឆ្នាំ ២០១៨ នៅភូមិ​បុសតាសោម​​ ឃុំរុងរឿង​ ស្រុកស្ទោង​ ខេត្តកំពង់ធំ។ ជនរងគ្រោះឈ្មោះ នី ឌុល​ ភេទប្រុស​អាយុ៤៥ឆ្នាំ នៅភូមិ​កើតហេតុខាងលើ។ មូលហេតុជនរងគ្រោះជាមនុស្សញៀនស្រា​ហើយខូចចិត្តប្រពន្ធលែងចោល ។   កម្លាំងសម្ថកិច្ចស្រុកស្ទោង បានអោយដឹងក្រោយ ទទួលបានពត៌មានភ្លាម​ យើងចុះដល់កន្លែងកើតហេតុ​ធ្វើការពិនិត្យសពឃើញថា​ពុំមានស្លាកស្នាមអ្វី ពាក់ព័ន្ធ ករណីឃាតកម្មឡើយ​ គឺជនរងគ្រោះពិតជាចងក​ សម្លាប់ខ្លួនឯងពិតប្រាកដមែនរួចក៏ប្រគល់សាកសព ជូនសាច់ញាតិធ្វើបុណ្យតាមប្រពៃណី៕   ប៊ុនរិទ្ធី