ភ្នំពេញ៖ពេញមួយថ្ងៃ ព្រហស្បតិ៍ ១០ រោច ខែ ភទ្របទ ឆ្នាំ ច សំរឹទ្ធិស័ក ព.ស.២៥៦២ ត្រូវនឹង ថ្ងៃទី៤ ខែតុលា ឆ្នាំ២០១៨ គណៈកម្មាធិការជាតិសុវត្ថិភាពចរាចរណ៍ផ្លូវគោក សហការជាមួយសមត្ថកិច្ចពាក់ព័ន្ធ បានចុះត្រួតពិនិត្យយានយន្ត និងពិនិត្យប័ណ្ណបើកបរតាមដងផ្លូវ ដោយអនុវត្តទ្រង់ទ្រាយធំមុនគេ នៅលើផ្លូវជាតិលេខ១ ។
រដ្ឋលេខាធិការក្រសួងសាធារណការ និងដឹកជញ្ជូន និងជាអគ្គលេខាធិការនៃគណកម្មាធិការជាតិសុវត្កិភាពចរាចរណ៍ផ្លូវគោក លោកស្រី មឹន មាណវី បានឲ្យដឹងថា នៅថ្ងៃនេះ ក្រុមការងារគណៈកម្មាធិការជាតិសុវត្ថិភាចរាចរណ៍ផ្លូវគោក បានសហការជាមួយសមត្ថកិច្ចជំនាញ ចុះពិនិត្យនិងឃាត់យានយន្ត ដើម្បីពិនិត្យរឹតបន្តឹងច្បាប់ចរាចរណ៍ ពិសេសនោះ រថយន្តធំៗ ព្រមទាំងអ្នកបើកបរ ឲ្យគោរពច្បាប់ចរាចរណ៍ដោយប្រុងប្រយ័ត្ន នៅរដូវបុណ្យភ្ជុំបិណ្ឌនេះ ដោយធ្វើយ៉ាងណាឲ្យបងប្អូនចរាចរណ៍ ឲ្យមានសុវត្ថិភាព គ្មានគ្រោះថ្នាក់។
យើងថែមទាំងពិនិត្យមើលប័ណ្ណបើកបរ និងឯកសារយានយន្តទាំងអស់ ដោយសារតែរាល់ថ្ងៃនេះយានយន្តធំៗកំពុងតែបង្ក និងធ្វើឲ្យប្រជាពលរដ្ឋមានអារម្មណ៍ភ័យខ្លាច ឧស្សាហ៍មានគ្រោះថ្នាក់ជាញឹកញាប់ណាស់ ។ អញ្ចឹងអាជ្ញាធរ និងភាគីពាក់ព័ន្ធត្រួតពិនិត្យ ដើម្បីឲ្យគាត់ មានស្មារតីប្រុងប្រយ័ត្ន ជាពិសេសនោះបុណ្យភ្ជុំបិណ្ឌនេះ »។
ទាក់ទងនឹងប័ណ្ណបើកបរវិញ លោកស្រី រដ្ឋលេខាធិការ បានលើកឡើងថា សមត្ថកិច្ចក៏ដូចជាក្រុមការងារគណៈកម្មាធិការជាតិសុវត្ថិភាពត្រូវតែពិនិត្យផងដែរព្រោះថា កន្លងមកក៏មានអ្នកប្រើប្រាស់ប័ណ្ណបើកបរក្លែងក្លាយផងដែរ ។ប័ណ្ណបើកបរ ក្រសួងចេញចំពោះអ្នកចេញច្បាប់បើកបរ អ៊ីចឹងបើគាត់ប្រើប្រាស់ប័ណ្ណបើកបរក្លែងក្លាយ ហើយមិនដឹងពីច្បាប់ចរាចរណ៍ផ្លូវគោកទេ គាត់នឹងបង្កគ្រោះថ្នាក់ដល់អ្នកដទៃ។ ចំណែកអ្នកមានប័ណ្ណបើក បរត្រឹមត្រូ វនោះគាត់ បានយល់ ដឹងពី ច្បាប់នោះការបើកបរធានាសុវត្ថិភាពនៅពេលកំពុងបើកបរ ច្រើនជាង ។
លោកឧត្តមសេនីយ៍ ចេវ ហាក់ ស្នងការរងនគរបាលរាជធានីទទួលបន្ទុកការ ការិយាល័យចរាចរណ៍ផ្លូវគោករាជធានីភ្នំពេញ បានឲ្យដឹងថា គ្រោះថ្នាក់ចរាចរណ៍តែងតែកើតឡើងនៅតាមដងផ្លូវពិសេសនោះនៅក្នុងរាជធានីភ្នំពេញ កើតចេញពីការមិនគោរពច្បាប់ចរាចរណ៍។ ការគ្រោះថ្នាក់ ដែលកើតមានឡើងមាននោះដូចជា៖ ការបើកបរប្រជែង ការបើកបរលើសល្បឿនកំណត់ និងការបើកបរក្រោមឥទ្ធិពលជាតិស្រវឹងជាដើម។
សមត្ថកិច្ចបានអំពាវនាវដល់ប្រជាពលរដ្ឋទាំងអស់សម្រាប់បុណ្យភ្ជុំបិណ្ឌនេះ សូមចូលរួម គោរពច្បាប់ទាំងអស់គ្នាពិសេសនោះអ្នកបញ្ជាយានយន្ត នៅតាមផ្លូវជាតិនានា ត្រូវប្រើប្រាស់ល្បឿនឲ្យបានត្រឹមត្រូវច្បាប់កំណត់ ជាពិសេស បើស្រវឹងកុំបើកបរ បើបើកបរកុំស្រវឹង ៕ ប្រាថ្នា
