ចិនខឹងសម្បាយ៉ាងខ្លាំង ក្រោអាមេរិកព្រមបន្តលក់អាវុធឲ្យកោះតៃវ៉ាន់

ចែករំលែក៖

ចិនបង្ហាញការខឹងសម្បាយ៉ាងខ្លាំង ក្រោយពេលអាមេរិកបន្តលក់អាវុធទៅឲ្យកោះតៃវ៉ាន ដែលមានតម្លៃជាង៣០ លានដុល្លារ ។ សកម្មភាពរបស់អាមេរិកមិនខុសអ្វីពីការឌឺដងដាក់ចិន ក្រោយពេលដែលអាមេរិកបញ្ចូនយន្តហោះទម្លាក់គ្រាប់ទៅកាន់សមុទ្រចិនភាគខាងត្បូង ។

សារព័ត៌មានSputnik នៅព្រឹកថ្ងៃព្រហស្បតិ៍ ទី០៤ ខែតុលា ឆ្នាំ២០១៨បានផ្សាយថា កោះតៃវ៉ាន់​កំពុងបញ្ជា ទិញអាវុធតាមការកំ​ណត់គោលដៅ​ចំនួន១៨គ្រឿង សម្រាប់បំពាក់​លើយន្ដហោះចម្បាំងF-16 ក្រោម​ក្របខ័ណ្ឌនៃកិច្ចព្រមព្រៀង​ទិញបរិក្ខា​យោធា​អាមេរិក​ដែល​មានតម្លៃជាង៣៣០លានដុល្លារ ទោះបី​ជាទីក្រុង​ប៉េកាំង​បានគំរាម​​ជាច្រើនដងរួចហើយ​ក៏ដោយ។

ជុំវិញគម្រោង​ទិញអាវុធនេះ ក្រុមហ៊ុនផលិត​អាវុធអាមេរិក Lockheed Martin អាវុធកំណត់​គោលដៅ ឬគេស្គាល់ជា​ភាសាអង់គ្លេស​ថា Sniper Advanced Targeting Pod (ATP) គឺជាប្រភេទ​អាវុធដែលបំពាក់លើ​​​​​ យន្ដហោះចម្បាំង ដោយវា​មានសមត្ថភាពខ្ពស់ ក្នុងការកំណត់គោលដៅ ចាប់សញ្ញារបស់សត្រូវជាមួយប្រព័ន្ធឡាស៊ែរ ព្រមទាំងប្រព័ន្ធ GPS ពាំគ្រាប់មីស៊ីលតម្រង់ទៅរកគោលដៅ​សត្រូវផងដែរ ។

ប៉ុន្តែទន្ទឹមគ្នា ទីក្រុងប៉េកាំង​បានសម្ដែងការជំទាស់យ៉ាងខ្លាំង​នឹងគំរោងលក់អាវុធ​អាមេរិកឱ្យកោះ​តៃវ៉ាន់ ដែលខ្លួនចាត់ទុក​ជាខេត្តមួយ​របស់ចិនតែ​ប៉ុណ្ណោះ។ មិនតែ​ប៉ុណ្ណោះ ចិនក៏បាន​អំពាវនាវជាច្រើនលើក​ទៀត​ផងដែរឱ្យទីក្រុងវ៉ាស៊ីនតោន​លុបចោលគំរោង នេះដើម្បីទប់ស្កាត់​ជម្លោះ ឬភាពតានតឹង​ផ្ទុះឡើង​ជាថ្មី។

គួរបញ្ជាក់ថា ក្រសួងការបរទេស​អាមេរិកអាវុធជាច្រើន​ទៀត នៅក្រោមកិច្ចព្រមព្រៀង​រវាងអាមេរិក និងតៃវ៉ាន់ គឺមានគោលដៅ​បំពាក់ ឬជំនួសសម្រាប់​យន្ដហោះ​ចម្បាំង F-16, C-130, F-5 និងយន្ដហោះចម្បាំង​តៃវ៉ាន់​ដទៃទៀត ៕

...


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print