ឪពុកម្ដាយធ្វេសប្រហែសមួយភ្លែតកុមារអាយុ៥ឆ្នាំម្នាក់លង់ទឹកស្លាប់

ចែករំលែក៖

ខេត្តកណ្ដាលៈ កុមារាអាយុ៥ឆ្នាំម្នាក់ឪពុកម្ដាយធ្វេសប្រហែសមួយភ្លែតបានចុះមុជទឹកទន្លេរ បណ្ដាលឲ្យលង់ស្លាប់យ៉ាងអណោចអធ័ម បង្កការភ្ញាក់ផ្អើលឡើង វេលាម៉ោង១៦និង៣០នាទី ថ្ងៃទី១៨ ខែតុលា ឆ្នាំ២០១៨ ភូមិពោធិ៍ធំ ឃុំអរិយក្សត្រ ស្រុកល្វាឯម ខេត្តកណ្តាល ។

មន្ត្រីនគរបាលស្រុកល្វាឯមបានឲ្យដឹងថា កុមាររងគ្រោះឈ្មោះ ថា វ៉ាន់ឌីន ភេទប្រុស អាយុ៥ឆ្នាំ ជាតិខ្មែរ មានទីលំនៅភូមិពោធិ៍ធំ  ឃុំអរិយក្សត្រ ស្រុកល្វាឯម ខេត្តកណ្តាល  ។

ប្រភពដដែលបន្តថា នៅមុនពេលកើតហេតុឪពុកធំ(អ៊ុំ)របស់កុមាររងគ្រោះបានអង្គុយផឹកស្រានៅផ្ទះរបស់ឪពុកកុមាររងគ្រោះ ខណៈកំពុងតែផឹកនោះ ស្រាប់ឈ្មោះ ឡុង ស្រីមន ដែលជាប្អូនបង្កេីត បានមកសួររកឈ្មោះថា វ៉ាន់ឌីន (កុមាររងគ្រោះ) ភ្លាមនោះគាត់បានឆ្លេីយថា មិនឃេីញទេ ដោយមានការងឿងឆ្ងល់ ក៍បាននាំគ្នាដេីររកតែមិនឃេីញ បន្ទាប់មកមានកុមារម្នាក់ដែលបានទៅមុជទឹកជាមួយនិងកុមាររងគ្រោះរត់មកប្រាប់ថា ឈ្មោះ ថា វ៉ាន់ឌីន លង់ទឹក ទេីបនាំគ្នាចុះទៅរាវរកតាមមាត់ច្រាំង ក្នុងទឹកទន្លេ ក៍បានរកឃេីញ ហេីយស្រង់យកមកលេី
គោក ដេីម្បីសង្គ្រោះ តែកុមាររងគ្រោះបានស្លាប់បាត់ទៅហេីយ ។

ភ្លាមនោះក៏រាយការណ៍ជូនសមត្ថកិច្ច
នគរ​​បាលប៉ុស្តិ៍រដ្ឋបាលអរិយក្សត្រ ក្រោយកម្លាំងប៉ុស្តិ៍ទទួលបានព័ត៌មានភ្លាម ក៏សហការជាមួយកម្លាំងផ្នែកជំនាញស្រុក ,អាជ្ញាធរមូលដ្ឋានគ្រូ ,ពេទ្យប្រចាំមណ្ឌលសុខភាពឃុំអរិយក្សត្រ និងក្រុមគ្រួសារចុះពិនិត្យ សាក​សពនិងបានបញ្ជាក់ថា៖ សពកុមារខាងលើ ស្លាប់ដោយសារលង់ទឹកពិតប្រាកដមែន។ ក្រោយពិនិត្យរួច    សពកុមារបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕ ស្អាងជ័យ

...


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print