ភ្នំពេញ ​៖​ ហេតុការណ៍​ភ្ញាក់ផ្អើលមួយបន្ទាប់ពីស្ត្រីម្នាក់ចេញពីធ្វើការមកដល់បន្ទប់ឃើញទ្វាខ្ទាស់កន្លិះខាងក្នុងទើបទាក់ចូលស្រាប់តែឃើញប្អូនប្រុសបង្កើតចងកនិងក្រម៉ាស្លាប់បាត់ទៅហើយ។

ហេតុការណ៍​នេះបានកើតឡើងកាលពីវេលាម៉ោង១២និង២០នាទីថ្ងៃត្រង់​ ថ្ងៃពុធ​ ៧រោច​ ខែអស្សុជ​ឆ្នាំច​ សំរឹទ្ធ​ស័ក​ ពស​២៥៦២​ត្រូវនិងថ្ងៃទី១៤​ ខែវិច្ឆិកា​ឆ្នាំ​២០១៨​ នៅក្នុងបន្ទប់ជួលក្នុងបុរីពិភពថ្មី​ ភូមិត្រពាំងគល់​ សង្កាត់កន្ទោក​ ខណ្ឌពោធិ៍សែនជ័យ​រាជធានីភ្នំពេញ​។

ជនរងគ្រោះឈ្មោះ​ ប៊ុន​ ធី​ ភេទប្រុសអាយុ២៣ឆ្នាំ​ មានស្រុកកំណើតនៅខេត្តកំពង់ធំ។

តាមប្រភពព័ត៌មានបានឲ្យដឹងថា​ មុនពេលកើតហេតុបងស្រីជនរងគ្រោះបានចេញមកពីធ្វើការខណះមកដល់បន្ទប់ឃើញទ្វាចាក់កន្លិះខាងក្នុងហៅប្អូនមិនលឺតបទើបហៅអ្នកជិតខាងមកជួកទាក់ទ្វាចូលទៅឃើញប្អូនចងកស្លាប់ខ្លួនដោយក្រម៉ាចងជាប់និងជញ្ជាំងស្លាប់បាត់ទៅហើយ។

តាមការបង្ហើបពីបងជនរងគ្រោះបានអោយដឹងថា​ សង្ស័យតូចចិត្តសង្សារកាចោលទើបធ្វើឲ្យជនរងគ្រោះធ្វើបែបនេះ។

ក្រោយកើតហេតុសមត្ថកិច្ចបានចុះមកកោសលវិច្ច័យជាក់ស្តែងឃើញថាជនរងគ្រោះស្លាប់ដោយសារចងកស្លាប់ខ្លួនពិតប្រកដមែនរួចប្រគល់សពទៅក្រុមគ្រួសារយកទៅធ្វើបុណ្យតាមប្រពៃណី ៕ សុខាសែនជ័យ