ខេត្តកំពង់ឆ្នាំង៖ ជនសង្ស័យអ្នកជួញដូរគ្រឿងញៀនម្នាក់ត្រូវបានសមត្ថកិច្ចនគរបាលក្រុងកំពង់ឆ្នាំង សហការជាមួយការិយល័យប្រឆាំងគ្រឿងញៀនខេត្ត ព័ទ្ធចាប់បានក្នុងពេលរៀបចំធ្វើសកម្មភាពជួញដូរគ្រឿងញៀន ហេតុការណ៍ចាប់អ្នកជួញដូរគ្រឿងញៀននេះបានធ្វើឡើងកាលពីវេលាម៉ោង១៥ និង៣០នាទីថ្ងៃទី០១ ខែធ្នូ ឆ្នាំ២០១៥ នៅភូមិសំរោង សង្កាត់ផ្សារឆ្នាំងក្រុងកំពង់ឆ្នាំង ។

សមត្ថកិច្ចនគរបានអោយដឹងថា ជនសង្ស័យនេះមានឈ្មោះ ចំរើន សី អាយុ៣១ឆ្នាំរស់នៅក្នុងភូមិឃុំកើតហេតុខាងលើ ក្នុងពេលឃាត់ខ្លួនសមត្ថកិច្ចបានដកហូតបានថ្នាំញៀនប្រភេទម៉ាទឹកកកចំនួន២កញ្ចប់ កំពួចកែឆ្នៃ២ដើម ទូរស័ព្ទដៃ២គ្រឿង ម៉ូតូ១គ្រឿង និង ឧបករណ៍ជក់ ១ចំនួនទៀតផង ។

សមត្ថកិច្ចបានអោយដឹងថា ជនសង្ស័យគឺជាមុខសញ្ញាចាស់ ដែលធ្លាប់ជាប់ពន្ធនាគាម្តងរួចមកហើយក្នុងករណីជួញដូរគ្រឿងញៀន ទើបនឹងចេញពីគុកមិនបានទាំងប៉ុន្មានផងក៍ត្រូវ ចេញធ្វើសកម្មភាពម្តងទៀត ហើយត្រូវសមត្ថកិច្ចព័ទចាប់តែម្តង ។ សមត្ថកិច្ចបានកសាងសំណុំរឿងបញ្ជូនតុលាការដើម្បីចាត់ការបន្តតាមនីតិវិធី ៕

ដោយ៖ ចន្ថា