ក្រោយចេញពីពន្ធនាគាខ្មាស់អ្នកភូមិផង ចងកសម្លាប់ខ្លួននៅក្បាលកោះ

ចែករំលែក៖

ភ្នំពេញ ៖ បុរសម្នាក់ត្រូវបានគេប្រទះឃើញដេកស្លាប់ នាវេលាម៉ោង១៥និង០០នាទី ថ្ងៃអាទិត្យ ទី២ ខែធ្នូ ឆ្នាំ២០១៨ នៅចំណុចក្នុងដីឡូត៏គ្មានលេខ ឋិតតាមបណ្តោយផ្លូវជាតិលេខ១ ក្នុងភូមិជ្រោយអំពិល សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ ។

ជនរងគ្រោះឈ្មោះ តូ ពុធសំអឿន ភេទប្រុស អាយុ២៨ឆ្នាំ មុខរបរ កម្មករសំណង់ ទីលំនៅផ្ទះគ្មានលេខ ផ្លូវលំ ភូមិជ្រោយអំពិល សង្កាត់ក្បាលកោះ ខណ្ឌ ច្បារអំពៅ ។
នគរបាលប៉ុស្តិ៍ក្បាលកោះបានអោយដឹងថា កន្លងមកជនរងគ្រោះធ្លាប់បានលេបថ្នាំសម្លាប់ខ្លួនចំនួន២ដងមកហើយ និងបាននិយាយប្រាប់ម្តាយថា ខ្មាស់គេណាស់ដោយសាររូបគេបានធ្វើខុសកន្លងមក និងទើបតែចេញពីពន្ឋនាគារទៀតផង ។ លុះដល់ថ្ងៃទី៣០ ខែវិច្ឆិកា ឆ្នាំ២០១៨ វេលាម៉ោង ១៧និង០០នាទី ម្តាយជនរងគ្រោះបានចេញពីធ្វើការវិញ មិនឃើញកូន ក៏បានសួរក្មួយស្រី ប្រាប់ថា កូនគាត់ដើរទៅខាងក្រោយផ្ទះ តែស្ត្រីជាម្តាយមិនបានដើររកទេ ពីព្រោះកូនគាត់ធ្លាប់ទៅលេងផ្ទះបងនៅច្បារអំពៅ ។

លុះដល់ថ្ងៃកើតហេតុស្រាប់តែ ឈ្មោះ នឿន បានទូរសព្ទ័មកប្រាប់គាត់ថា មានបាត់កូនអត់អោយទៅមើលនៅចំណុចដីឡូត៏គ្មានលេខផ្លូវជាតិលេខ១ ភូមិ ជ្រោយអំពិល សង្កាត់ក្បាលកោះ ខណ្ឌច្បារអំពៅ មានមនុស្សដេកស្លាប់នៅកន្ទុយដីឡូត៏ បន្ទាប់ពីទទួលពត៍មានម្តាយជនរងគ្រោះក៍នាំបងប្អូនទៅមើលទើបដឹងថា ជាសពកូនរបស់គាត់ ដោយមានខ្សែចំណងនៅជាប់នឹងក ។