ភ្នំពេញ ៖ នៅយប់ថ្ងៃទី៤ខែធ្នូឆ្នាំ២០១៨នេះ សម្តេចតេជោហ៊ុនសែន នាយករដ្ឋមន្ត្រីនៃកម្ពុជាបានផ្ញើសារជម្រាបជូនប្រជាពលរដ្ឋខ្មែរ តាមរយៈទំព័រហ្វេសប៊ុកផ្លូវការរបស់សម្តេចថា ស្អែកនេះ ថ្ងៃទី៥ខែធ្នូ ឆ្នាំ២០១៨ សម្តេចតេជោ ហ៊ុនសែន នឹងទៅបំពេញទស្សនកិច្ច២ថ្ងៃនៅប្រទេសឡាវ តាមការអញ្ជើញរបស់លោក ថងលូន ស៊ីសូលីត នាយករដ្ឋមន្ត្រីឡាវ ។
នៅក្នុងដំណើរទស្សនកិច្ចនេះ សម្តេចមានគម្រោងនឹងជួបជាមួយ លោក ប៊ុនញ៉ាំង វរជីត ប្រធានរដ្ឋឡាវ, លោកស្រី ប៉ានី យ៉ាថទូ ប្រធានរដ្ឋសភាជាតិឡាវ និងនាយករដ្ឋមន្រ្តីឡាវ ដើម្បីពង្រឹងបន្ថែមនូវចំណងមិត្តភាព និងកិច្ចសហប្រតិបត្តិការដែលនាំមកនូវផលប្រយោជន៍សម្រាប់ប្រជាជាតិនៃប្រទេសយើងទាំងពីរ។ ទន្ទឹមនឹងនោះ ក៏នឹងមានការពិភាក្សាផ្លាស់ប្តូរយោបល់លើបញ្ហាមួយចំនួនដែលជាកង្វល់រួមនៅក្នុងតំបន់ និងអន្តរជាតិផងដែរ។
នៅយប់ថ្ងៃខែដដែលនេះ សម្តេចក៏សូមជូនពរបងប្អូនជនរួមជាតិទាំងក្នុង និងក្រៅប្រទេសជួបតែសេចក្តីសុខ និងសេចក្តីចម្រើនគ្រប់ៗគ្នា៕
