ស្រវឹងបើករថយន្ដបុករបាំងថ្មពុះចែកទ្រូងផ្លូវស្ពានស្ទឹងមានជ័យ បណ្ដាលឲ្យរថយន្ដខូចខាតផ្នែកខាងមុខយ៉ាងដំណំ

ចែករំលែក៖

     ភ្នំពេញ៖ បុរស២នាក់ស្រវឹងស្រា បានបើករថយន្ដទៅរបាំងថ្មពុះចែកទ្រូងផ្លូវ បណ្ដាលឲ្យរថយន្ដរងការខូច​ខាតផ្នែកខាងមុខយ៉ាងដំណំ ចំណែកឯតៃកុងនិងអ្នករួមដំណើររងរបួសស្រាល ។  ហេតុការណ៍នេះបានកើតឡើងនៅវេលាម៉ោង៩ និង២៥នាទីយប់ ថ្ងៃទី៧ ខែធ្នូ ឆ្នាំ២០១៨ ស្ថិតតាមបណ្ដោយផ្លូវ២១៧ ត្រង់ចំណុចគល់ស្ពានស្ទឹងមានជ័យ  ក្នុងសង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ។
យោងតាមប្រភពព័ត៌មានពីកន្លែងកើតហេតុបានឲ្យដឹងថាមុនពេលកើតហេតុគេឃើញរថយន្ដមួយគ្រឿងម៉ាក​ford ពណ៌ស ពាក់ស្លាកលេខភ្នំពេញ 2H-7538 បើកបរដោយបុរសម្នាក់និងរួមដំណើរម្នាក់ បានធ្វើដំណើរតាមបណ្ដោយផ្លូវ២១៧ ទិសដៅពីលិចមកកើតក្នុងល្បឿនលឿន ហើយអ្នកបើកបរស្ថិតក្នុងស្ថានភាពស្រវឹងស្រាផង ពេលមកដល់កន្លែងកើតហេតុ ក៏បានរេចង្កូតមកបុកនិងរបាំងថ្មពុះចែកទ្រូងផ្លូវពេញទំហឹង បណ្ដាលឲ្យរបាំងថ្មរងការខូចខាតតិចតួច  ចំណែកឯរថយន្ដរងកាខូចខាតផ្នែកខាងមុខយ៉ាងដំណំ និងម្ចាស់រថយន្ដនិងអ្នករួមដំណើររងរបួសស្រាល។
ក្រោយពេលកើតសមត្ថកិច្ចមូលដ្ឋានបានចុះមកឃាត់តៃកុងរថយន្ត ទំនាក់ទំនងទៅសមត្ថកិច្ចជំនាញចុះមកកន្លែងកើតហេតុ មកធ្វើការវាស់វែងយករថយន្តបង្ក និងតៃកុងទៅកាន់ការិយាល័យចរាចរណ៍ផ្លូវគោករាជធានីភ្នំពេញ រងចាំដោះស្រាយគ្នាទៅតាមផ្លូវច្បាប់៕ ដោយ៖ ភារ៉ា ដង្កោ

ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print