អ្នកប្រកបរបរដឹកឈើតាមម៉ូតូពេលនេះដួលសង្កត់មនុស្សស្លាប់ម្នាក់ទៀតហើយ

ចែករំលែក៖

ខេត្តមណ្ឌលគិរី៖បុរស​ម្នាក់​ទៀតហើយដែល​បាន​ស្លាប់ដោយសារតែជិះ​ម៉ូតូ​ដឹកឈើ​ចុះចំណោទហើយដួលសង្កត់​ពីលើនោះយ៉ាង​វេទនា​បំផុត ។ហេតុការ​ណ៏គ្រោះថ្នាក់​ចរាចរណ៍​ដោយសារ​ម៉ូតូ​ដឹកឈើ​ចុះ​ចំណោទ​បណ្តាល​ឱ្យស្លាប់នោះបានកើតឡើងនៅ​វេលា​ម៉ោង​៨.៣០​នាទី​យប់​ថ្ងៃ
ថ្ងៃពុធ ១២ កើត ខែមិគសិរ ឆ្នាំចសំរឹទ្ធិស័ក ព.ស ២៥៦២ត្រូវនឹងថ្ងៃទី១៩ ខែធ្នូ ឆ្នាំ២០១៨នៅ​ត្រង់ចំណុច​ភូមិ​ស្រែ​ព្រះ ឃុំ​ស្រែ​ព្រះ ស្រុក​កែវ​សីមា ខេត្តមណ្ឌលគិរី ។

ប្រភពពីសមត្ថកិច្ចបានឱ្យដឹងថាជន​រង​គ្រោះ​ឈ្មោះ ថាប ងំ ភេទ​ប្រុស អាយុ​២៥ឆ្នាំ ជន​ជាតិ​​ព្នង សញ្ជាតិ​ខ្មែរ មាន​មុខរបរ​កសិករនិងដឹកឈើមាន ទីលំនៅ​ភូមិ​ស្រែ​ព្រះ ឃុំ​ស្រែ​ព្រះ ស្រុក​កែវ​សីមា ខេត្តមណ្ឌលគិរី។

តាមប្រភពបានឱ្យដឹងថាជនរងគ្រោះដឹកឈើប្រភេទ​សុ​ក្រំ មានមុខ​កាត់ ៣០​សង់ទីម៉ែត្រ​គុណ​១៥​សង់ទីម៉ែត្រ ប្រវែង​២​ម៉ែត្រ ចំនួន​បី​ដុំ​មានទម្ងន់យ៉ាងធ្ងន់ទើបបណ្តាលឱ្យ​បាក់​បូម​ខាងមុខ​ដួលសង្កត់​ពីលើស្លាប់​តែម្តង។ ក្រោយកើតហេតុសព​ត្រូវ​បាន​សមត្ថកិច្ចជំនាញ​ចរាចរ​ណ៍ផ្លូវគោគធ្វើការ​ពិនិត្យ​ឃើញ​ថាពិតជា​បាន​ស្លាប់​ដោយសារ​ដឹកឈើហើយម៉ូតូ​ដួលសង្កត់លើមែន។ ហើយក៏បាន​ធ្វើការ​ប្រគល់​សព​ឱ្យ​ក្រុមគ្រួសារនិងសាច់ញាតិយកទៅចាត់ចែងធ្វើបុណ្យ​តាម​ប្រពៃណីផងដែរ ៕ ដោយ​ ជីវន្ត័

...


ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print