នារីម្នាក់បើករថយន្ដបុករៈម៉ូតូនិងរថយន្ដជាច្រើនគ្រឿង

ចែករំលែក៖

ភ្នំពេញ៖ នារីម្នាក់បើករថយន្ដម៉ាកព្រូសមួយគ្រឿងរវល់អោនរើសទូរស័ព្វរេចង្កូតបុករៈរឺម៉កម៉ូតូកង់បីមួយគ្រឿង ម៉ូតូ៣គ្រឿងនិងរថយន្ដមួយគ្រឿងទៀតបង្កការភ្ញាក់ផ្អើលដល់ប្រជាពលរដ្ឋតែសំណាងល្អមិនបណ្ដាលអោយមានអ្នករងរបួស។

.  ករណីនេះដែរបានកើតឡើងនៅវេលាម៉ោង២០និង៤៥នាទី ថ្ងៃទី១១ ខែមករា ឆ្នាំ២០១៩នៅចំណុចផ្លូវព្រះសុីសុវត្តិកែងផ្លូវលេខ១០២ ក្នុងសង្កាត់វត្តភ្នំ ខណ្ឌដូនពេញ រាជធានីភ្នំពេញ។

.  រថយន្ដបង្កម៉ាក តូយ៉ូតាព្រូសពណ៍ស ពាក់ស្លាកលេខ ភ្នំពេញ2AE-5854 បើកបរដោយនារីម្នាក់។ ចំណែកសម្ភារះដែលខូចខាតរួមមាន ម៉ូតូ៣គ្រឿង រឺម៉កម៉ូតូកង់បីមួយគ្រឿងនិងរថយន្ដម៉ាកឡិចសុីRX300មួយគ្រឿង។

.  ព័ត៌មានពីកន្លែងកើតហេតុបានអោយដឹងថា មុនពេលកើតហេតុ គេឃើញម៉ូតូ និងរឺម៉កកង់បីនិងរថយន្ដដែលត្រូវរថយន្ដបង្កបុកនោះគឺឈប់នៅឯបចិញ្ចើមផ្លូវ។ លុះដល់ពេលកើតហេតុស្រាប់តែមានរថយន្ដបង្កបើកបរដោយនារីម្នាក់បើកបុករៈបណ្ដាលអោយខូចខាតតែម្ដង តែមិនបណ្ដាលអោយមានអ្នករងរបួសនោះទេ។ បើតាមនារីដែលបើករថយន្ដបង្កបានអោយដឹងថាដោយសារតែរូបគាត់បានអោនរើសទូរស័ព្វក្នុងរថយន្ដទើបធ្វើអោយរេចង្កូតបុករៈតែម្ដងទៅ។

.  ក្រោយពីតហេតុ ម្ចាស់រថយន្ដបានព្យាយាមធ្វើការសម្របសម្រួលជាមួយភាគីទាំងអស់ដោយព្រមសងថ្លៃខូចខាតទៅអោយម្ចាស់រឺម៉កម៉ូតូកង់បីចំនួន៣០០ដូល្លារ និងម៉ូតូមួយគ្រឿងទៀតចំនួន១០០ដូល្លារដើម្បីបញ្ចប់រឿង។ ចំណែកម៉ូតូពីរគ្រឿងនិងរថយន្ដមួយគ្រឿងទៀតដែលម្ចាស់ទាមទារថ្លៃខូចខាតថ្លៃពេកទើបដោះស្រាយគ្នាមិនត្រូវក៏សម្រេចអោយកម្លាំងជំនាញធ្វើការវាស់វែងយកទៅរក្សាទុកនៅការិយាល័យចរាចរណ៍រាជធានីភ្នំពេញដើម្បីធ្វើការដោះស្រាយនៅពេលក្រោយ៕ សុខាសែនជ័យ

...


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print