ភ្នំពេញ៖ សមត្ថកិច្ចនគរបាលប៉ុស្តិ៍រដ្ឋបាលស្ទឹងមានជ័យឃាត់ខ្លួនជនសង្ស័យម្នាក់ក្រោយពីបាន ធ្វើសកម្មភាពឆក់ខ្សែកនៅលើផ្លូវសាធារណៈកាលពីវេលាម៉ោង៧យប់ថ្ងៃទី៦ ខែធ្នូ ឆ្នាំ២០១៥ នៅចំណុចលើកំណាត់ផ្លូវព្រះមុនីរ៉េត(២១៧) ភូមិទ្រា១ សង្កាត់ស្ទឹងមានជ័យ ខណ្ឌមានជ័យ។
សមត្ថកិច្ចនគរបាលប៉ុសិ៍្តរដ្ឋបាលស្ទឹងមានជ័យប្រាប់ថា ជនសង្ស័យមានឈ្មោះ មាន សារ៉ាត ភេទប្រុស អាយុ២៦ឆ្នាំ មុខរបរនិងទីលំនៅមិនពិតប្រាកដ។ ជនសង្ស័យបានធ្វើសកម្ម ភាពឆក់ខ្សែកពីជនរងគ្រោះឈ្មោះ អៀម ឡាយហ៊ួយ ភេទស្រី អាយុ២៥ឆ្នាំ មុខរបរបុគ្គលិកបំ រើការងារនៅក្រុមហ៊ុនកញ្ចក់ មានទីលំនៅភូមិស្លែងរលើង សង្កាត់ទឹកថ្លា ខណ្ឌសែនសុខ។
សមត្ថកិច្ចបានបញ្ជាក់ប្រាប់ឲ្យដឹងថា ក្រុមជនសង្ស័យមានគ្នីគ្នា២នាក់ឈ្មោះ ភ័ក្រ ភេទ ប្រុស អាយុ២៥ឆ្នាំ(គេចខ្លួន) ជិះម៉ូតូ១គ្រឿងជាមធ្យោបាយធ្វើសកម្មភាពម៉ាកនិច ពណ៌ស ពាក់ ស្លាកលេខភ្នំពេញ1I-4804។ ជនសង្ស័យបានធ្វើសកម្មភាពឆក់ខ្សែកជនរងគ្រោះខណៈដែល ជនរងគ្រោះចេញពីក្រុមហ៊ុន ក្រោយពីឆក់រួចពួកគេបានព្យាយាមជិះគេចខ្លួនហើយប្រជាពលរដ្ឋ ចាប់ខ្លួនវាយស្វាគមន៍ស្ទើក្ស័យសង្ខាទើបប្រគ់ឲ្យសមត្ថកិច្ចយើង។
បច្ចុប្បន្នជនសង្ស័យនិងម៉ូតូ១គ្រឿងជាមធ្យោបាយបញ្ជូនទៅរក្សាទុកនៅអធិការដ្ឋាននគរបាលខណ្ឌមានជ័យ ៕
ដោយ៖ តាឡឹម
