ភ្នំពេញ៖ ជនសង្ស័យជាសន្តិសុខក្រុមហ៊ុនខុនដូ យូអេស ៩៩៩ម្នាក់បានទិញថ្នាំញៀន២មឺុនរៀលយកមកប្រើប្រាស់រួចអង្គុយយាមនៅក្នុងខុនដូសុខៗស្រាប់លឺអ្នកក្បែរខាងថាចាប់យកទៅពិនិត្យទឹកនោម ស្រាប់តែភ័យស្លន់ស្លោរត់ឡើយខុនដូយូអេស៩៩៩ជាន់ទី៧ ចូលបន្ទប់៧០២ត្រូវបានម្ចាស់គេឃើញទាន់ចាប់ខ្លូនប្រគល់ឲ្យសមត្ថកិច្ច ។

     ហេតុការណ៍នេះបានកើតឡើងកាលពីវេលាម៉ោង១និង១០នាទីយប់រំលងអាធ្រាត្រ ឈានចូលថ្ងៃទី២១ ខែកុម្ភៈ ឆ្នាំ២០១៩ ស្ថិតនៅចំណុចអាគា ខុនដូ យូអេស ៩៩៩ជាន់ទី៧ បន្ទប់លេខ៧០២ តាមបណ្តោយផ្លូវ៥៩២ កែងនិងផ្លូវ៥៩៥ ក្នុងសង្កាត់បឹងកក់២ ខណ្ឌទួលគោក។

     ជនសង្ស័យមានឈ្មោះ វណ្ណ ចាន់ណា ភេទប្រុស អាយុ២៥ឆ្នាំ មុខរបរសន្តិសុខរបស់ក្រុមហ៊ុន ខុនដូ យូអេស ៩៩៩ ស្នាក់នៅម្តុំវិមានឯករាជ្យ មានស្រុកកំណើត​​ ឃុំល្វេរ ស្រុកកោះសូទិន ខេត្តកំពង់ចាម។

    បើតាមសម្តីស្ត្រីម្នាក់ជាម្ចាស់បន្ទប់បានឲ្យដឹង ថា មុនកើតហេតុរូបគាត់ចូលដេកក្នុងបន្ទប់ជាធម្មតាលុះដល់ម៉ោងកើតហេតុខាងលើស្រាប់តែសម្លេងជនសង្ស័យស្រែកឡូឡានិងមក គោះបន្ទប់ស្រាប់តែគាត់លឺបានដើរមកបើកទ្វារមើលស្រាប់ ជនសង្ស័យបំរុងរត់ចូលក្នុងបន្ទប់របស់គាត់ធ្វើឲ្យមានការផ្អើលឆោឡោដល់បន្ទប់ជិតខាងចេញមកអន្តរាគមន៍ឃាត់ខ្លួននិងរាយការជុូនសមត្ថកិច្ចមូលដ្ឋានភ្លាមៗ។

     បើតាមចម្លើយរបស់ជនសង្ស័យបានប្រាប់ថារូបគេយាមវេនថ្ងៃ ចូលម៉ោង១២ថ្ងែត្រង់ចេញវិញម៉ោង១០យប់ហើយរូបគេធ្លាប់ប្រើប្រាស់ថ្នាំញៀនយូមកហើយ ​តែក្រោយរយៈពេលប៉ុន្មានថ្ងៃនេះរូបគេមិនបានប្រើប្រាស់នោះទេធ្វើឲ្យរូបគេឃ្លាន ទើបសម្រេចចិត្តទិញថ្នាំញៀនពីអ្នកស្គាល់គ្នាម្នាក់ក្នុងតម្លៃ២មឺុនរៀលយកមកប្រើប្រាស់មុនពេលចូលយាមបន្ទាប់ពីបានប្រើប្រាស់អស់ហើយ ក៍បានមកយាមដូចធម្មតាលុះដល់ម៉ោងចេញរូបគេមិនបានចេញទៅផ្ទះទេបាននៅអង្គុយលេងទីនោះ​ស្រាប់តែលឺសម្លេង អ្នកក្បែរខាងថាចាប់វាយកទៅពិនិត្យទឹកនោមធ្វើឲ្យរូបគេលឺដូច្នោះ មានកាភ័យស្លន់ស្លោនិងបែកផងក៍ចេះតែរត់យក តែរួចខ្លួនទៅស្រាប់តែរត់ឡើងដល់ជាន់ទី៧ បន្ទប់ លេខ៧០២បំរុងចូលឲ្យគេជួយស្រាប់តែឃើញម្ចាស់បន្ទាប់គេឃើញឃាត់ខ្លួនតែម្តង។

    បច្ចុប្បន្ន ជនសង្ស័យត្រូវបានសមត្ថកិច្ចនាំខ្លួនមកសួរនាំនៅប៉ុស្តិ៍នគរបាលសង្កាត់បឹង កក់២និងបញ្ជូនបន្តទៅអធិការដ្ឋាននគរបាលខណ្ឌទួលគោកដើម្បីចាត់ការទៅតាមនីតិវិធីច្បាប់៕ដោយ៖ភារ៉ា ដង្កោ